Leidung 43

N kebaa nah n masang lang gailo

1A nzeu acu peulo, Tinggwang, nah samsang kemak heleuh ge dade a nzeu rang beulo.

2Kedanemene nang au a kengkieng Tinggwang lu. Daitei acu mlai dino?

Daitei a ngauraume acu tei keherei kegai ziemne Ih asui sia lano?

3Oh, n kebaa nah n masang langgai lo, penuide peu a lampui saulia beulo.

Peu penuide peu acu n kemci deutu1 ga ngngwa gwanglo

nah nang lungh kebam ga.

4Pecai Ih Tinggwang recabam ga mie zie,

Ih a suisüt kela a Tinggwang da.

Ih harp le ncu twa zie, Tinggwang, a Tinggwang.

5Daitei nang, nsui sia la no?

Daitei nang alung gade nsui sia süt bam no?

Ih Tinggwang da a keregui bam zie, Ih pecu twa dai zie kedanemene pa a Tinggwang acu rikelune.