Leidung 32

Kemau gibeu kedime samlam pungtu lie

David gu lei ge. Maschil ge.

1Mina penui mau gibeu kedimedung samlam pungtu da,

penui maudung keugi kedimedung.1

2RAMPAUBE pecu maulie mmau kemakme samlam pungtu

nah pe rabe ga mide kecwa bam kemakme.2

3Ih zingde bamdi kecudau3, a radung tuii bamdi

Ih pe tingnai mra kebam ga.

4Tingmui tingba n ba a ziemne rütsütdi.

A kengkieng tinglum dau dui kecangh de nzwa canghdi. Selah

5Pecai Ih a mau n dage pet gai,

nah n dage Ih a kemau hebai tadi.

Ih ranggai, “RAMPAUBE dage Ih a kemaudung petgai zie,”

nah nang a mau gibeu.4Selah

6Aipau kie de ziemne n masang caisuime leune keherei tingdau n dage kekie teigailu maisia.

Duinai puinliem kegwang dau, dui cide penui da gwangcang lak.

7Nang a kensiu bam; nang a reidung gade acu gum beu zie.

Ngkieng kelu leidung le nang acu twagwa luzie. Selah

8Nang mie kera lampui be ga Ih ncu saulia zie nah ledeu beu zie.

N ma pie eh Ih ncu saulia zie.

9Hekwen ge mede gada ge nzwa diso, maci kegah nzwa;

cide de pe muikang nah tsingtie le kezeula

peu penuide nang mie keneu ga peu mie kerane.

10Kesiame suisiet kekiee ge bamla,

dede RAMPAUBE samkakkelu samsang au pecu nlum kebamme da twagwa bamla.

11RAMPAUBE da nnui sui yilu, nah nnui suiyi sütlu, nnui kesamsangme;

suiyi kwa sahlu, nnui nlung kemzuimedung leune.