Leidung 30:5

Suiyi tingcang gwanglu la

Lei ge; kerecaki pwa peu kecudau gu lei ge. David gu lei ge.

1Ih ncu twa zie, RAMPAUBO, kedanemene nang acu kecok gade teucuh kebeune nah a ngauraume depeu acu nuidi kemakne.

2RAMPAUBO a Tinggwang, Ih n dage a kengha nggia mra gai,

nah nang acu tei hemi beu.

3RAMPAUBO, nang Sheol gade a rabe kelibeu; herau ga nghungdi kera gade nang acu kelibeu.

4RAMPAUBE dage ketwa lei teigai lu, nnui kesamsangmedung! Nang pe kemci de nsung keludau pecu hetwa peulu.

5Kedanemene RAMPAUBE rata au tingkak nage gwale sila kemakne; dede pe zai keyi au kelungta bamla.

Kehap au tingmui ziu ge ziemne gwangla, dede tingcang dau suiyi gwangla.

6Ih a lung di eh akatei acu rangdi, “Acu madaude tei nlaidi gailak.”

7RAMPAUBO, n zai keyi le nang acu lamlwa kengkieng ge nzwa teibeu da; dede nang n zu kebai kedi dau, Ih keherei di.

8Ih n dage mra gai, RAMPAUBO, nang a Rampaube dade kengha peei!

9A tsit ga kemmi daige bamno, Ih herau ga nlüt dicai? Rebui ne ncu twa zieni? Cidene ncu nlumlukebui de rangndu zieni?

10Kingneilo, RAMPAUBO, nah acu nggia gailo!

RAMPAUBO, a kenghabe lulo.

11Nang a lungrei teipwa misui keyi limge tei dida; nang a sui kesiade keugi dida nah a suiyile peu pui luda.

12Cine cu a kendu ncu ketwa lei tei zie nah zingde bam dilak; RAMPAUBE a Tinggwang, Ih ncu kelungta hetwa peu lazie!