Leidung 24

Kendu Gwangpei

David gu lei ge.

1Kideube au RAMPAUBE gu, nah cika kebam peciakne,

kideu pelane, nah cika kelunghme leune.

2Pa cide kideu jaaidung kang dui kecuk reu gage teilu

nah hereukidung gage tei kegaine.

3Cau RAMPAUBE lamlwa1 ga nghang lai?

Cau pe kemci ni ga sap2 lai?

4Pe ba mci kecume nah pe mlung kemcime;

kenretpe ga pe lung kai kemakme,3

nah mide cwa eh resetla kemakme.

5Pa RAMPAUBE dade samlam ngau zie

nah pe kelikelu Tinggwang dade kesamsang ngau zie.

6Tinggwang de peeikela heleuhdung ainzwa zie,

Jacob Tinggwang de peei kelame. Selah

7Nnui peu ngang cuhlu, nnui heriekidung;

cuhlu, kelungta kikamdung,

iciu eh Hegwang kendu nlütlu kerane!

8Hegwang Kendu aide cauno?

RAMPAUBE, ngkieng nah kedi; RAMPAUBE, hereu ketei gade kedi.

9Nnui peu ngang cuhlu, nnui heriekidung;

cuhlu, kelungta kikamdung,

iciu eh kendu Hegwangpei nlütlu kerane!

10Kendu Hegwangpei aide cauno?

Reugwame reu RAMPAUBE,

pane kendu Hegwangpei da. Selah