Leidung 13

Daitiege no, O RAMPAUBO

Lei kempwak muiteube ziemne. David gu lei ge.

1Daitie ge, RAMPAUBO, nang acu nsungta bam laino?

Daitie ge nang n zu a dade hebaih bam laino?

2Daitie ge Ih a lung rei bam laino

nah petingnai a nlung ga lungrei pung bam laino?

Daitie ge a ngauraume a reu ngkieng bam laino?

3Acu pie lo nah a sam keli lo, RAMPAUBE a Tinggwang!

Kebaa a miak de peulo, mecai Ih ketsai ga zip dizie.

4Peu a ngauraume de, “Ih pecu ngam luda,” de eh rangdi so,

iciu eh peu a ngauraume de, “Ih a ngauraume reu ngkieng luda” de rang melu kerane; meliecai, a ngauraume Ih kau kedidau penui sui yizie.

5Dede Ih n samkakkelu samsang ga nlum bam;

n kelikelu ga Ih a sui yila.

6Ih RAMPAUBE dage ketwalei teigai zie

kedanemene pa a dage pe zai yisüt kegaine.