Northern Zeme Bible
Leidung 122
Anui RAMPAUBE kiga mie cugo
David gu, kengha kekie lei ge.
Penui acu, “RAMPAUBE kiga1 tet go lie,” de eh rang kegaidau Ih a suiyi di.
Jerusalem, anui pidung au ngu kiriedung lungga sap bam dida!
Jerusalem, sünne eh riam kelu namdi ge nzwa tei lulo!
Heleuhdung Jerusalem ga tet nghang, RAMPAUBE gu heleuhdung,
Israel ziemne zierang ge nzwa,
RAMPAUBE zi de hetwa peu kerane.
Cika tutiak gu hegwangbamdung teipwa bam,
David ki gu hegwangbamdung.
Jerusalem kezuyi ziemne kekie tei lu!
“Namdi aide de hung kelamedung da kezuyi bamlu.
Oh Jerusalem, ncu gumkebam kiriedung lungki ga peu lungciep bamlo,
nah n kedikidung ga peu kwabam lulo.”
A kibaume nah a zangmedung ziemne Ih rangzie, “Peu nnui kakga kezuyi bamlo.”
RAMPAUBE anui Tinggwang zi gade,
Ih ncu peu lungh yilu kerane kiela.
Source notes (1)
- Footnote Jerusalem ki ga
Northern Zeme Bible. Copyright © Bridge Connectivity Solutions Pvt. Ltd. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.