Leidung 110

A ba zetle bamlu

David Lei.

1RAMPAUBE a mpaube dage rang, “Aika a ba zetle bamlu

Ih n ngauraumedung de n pidau teidi kemaktane.”1

2Zion gade RAMPAUBE n hegwang kengkieng tei mdi beu zie;

n ngauraumedung reu di lu.

3N minadung neu ngnga eh penui paini kemci kai lwe n cai sui dizie

nang ngking kelu benai;

tingcang nuge hezin nzwa heluibwame n da gwang di zie.

4RAMPAUBE pe sam pet beu da, nah cide keuteu dai dilak:

“Nang kelungta cingkupei ge zie,

Melchizedek de pwa leu eh.”2

5RAMPAUBE au n ba zetle bam.

Pa pe rata kedi benai hegwangpeidung de teitset dizie.3

6Pa heleuhdung de tutiak zie;

pa hereuketei nidung gage ketsaipaudung kaipui dizie;

pa deudi kekie ge ga kedimedung de teitset di zie.

7Pa lampuikung ga hereuki gade dui sak zie,

nah pecai pa ngking lwe pe peu pung cuh di zie.