Northern Zeme Bible
Leidung 101
Ih masang eh tet zie
David gu lei.
Ih samkakkelu kesamsang nah kemzuibe lei teizie,
n dage, RAMPAUBO, Ih ketwa lei teizie.
Ih makesang lampui ga tet gwang zie.
Oh, nang daidau a da gwang zie no?
Ih a kilung gade masang eh tet zie.
Ih bata kesia gede a miakdung dwa gage kailak;
Ih kemau kemta bata ngkau la;
cide acu kerak gailak.
Mina kesiame acu gidi zie;
Ih kesiabe samzai tei lama.
Ngkim eh pe kidame de rangmsia kelamedung de Ih ngkap dizie.
Keheibe de ngang kelame nah pecu mning mdi kelame de Ih mbai beu lak.
Kideu ga kesamsangme de Ih pie eh peu a taiga bam zie.
Cau yicang kecu lampui ga tet kelame de peu a gwa teizie.
Mide cwa kelame a ki lung ga bam gailak;
kenretme depeu a dwaga bamlak.
Tingcang ramsang kideu ga kenlienme de Ih ngkap ciak dizie;
RAMPAUBE namdi gade kesiaketei pelane de Ih keumpet dizie.
Northern Zeme Bible. Copyright © Bridge Connectivity Solutions Pvt. Ltd. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.