Leidung 1

Laisiukwak Keraibe

Makesangme nah kenlienme lampui

1Mina kesiame sam pung kemakme,

mede kemaume lampui ga pwa kemakme,

mede mide rangmsia kelame kakga bam kemakme samlam pungtu.

2Dede RAMPAUBE zaibe gade penui suiyi ngau lula,

nah pe zaibe ga penui tingmui tingba cetncok bamla.1

3Penui au reuceudung kung ga tsingbang ling pwa kebam ge nzwada

peting pehi dau pe tsidung bui kelade,

pe nei regui dila kemakde;

penui ma keheibe ketei gade hingpet lula.2

4Mina kesiame au ainzwa ma,

dede cinzwa meliene ciurie tingkai ne gui pungdi kelabe nzwada.

5Cine mina kesiame au tutiak benai nzeu gailak,

mede kemaume kesamsangme kakga sap gailak.

6Kedanemene RAMPAUBE kesamsangme lampui de luu lula,

dede kesiame lampui au kap eh gah dizie.3