Philippime

Philippians

Paul ne Philippime dage raukegai laisiu

Mraisam

Philippime, Colossime, Philemon, nah Ephesame de si eh Paul AD 60 tingdau pa Rome ga hebaangki gade laisiu aide raugai. Philippime mapeu si eh Epaphroditus de langpwa Paul dage kai. Epaphroditus Rome ga kebamdau, pa ma teeidi nah Philippi Khristianme pe ziemne penui lung kehereidi. Pa yi luge, Paul laisiu aide si eh pecu Philippi gage langgai.

Laisiu aika Paul Philippime de hungsüt kecu nah pa ngqwame dage raukegai laisiu kakgade laisiu aide Paul ziemne mlangsüt kecu ngaulu. Paul Philippime keku nah ngha kegaine kenggai sam ranggai.

Paul au laisiu aide hebaangki gade raugai liede suiyi le puibam. Samkie “suiyi” mede “misuikeyi” pia kereiemdai raugai. Paul pe teilung ha rau eh pa cu dainzwa eh lungh bambi kecu aide raugai, “A ziemne au, lungh bam kera au Khrista ziemne nah tsaidi eh liede kemmi lie” (1:21).

Pe laisiu kedadung ga nzwa Paul helung taukemla nah mide ngngwayi eh kelungh nah Tinggwang samzai tei eh kelungh keledeu samdung peugai.

Pelung ga keladung

Keraisam (1:1-11)

Paul lungneidung (1:12-30)

Khrista henah eh kelungh kereli (2:1-18)

Paul samgwamedung (2:19-30)

Rangmriak kegai nah keledeu (3:1-4:20)

Kekambe (4:21-23)