Luke

Luke

Luke Samliakeyi

Mraisam

Luke, Samliakeyi kwakdung kakde tietube, de Bata laisiukwak raukegaibe ne ranggai. Luke kaurau pie kegaidau pa maci hemisüt kecume ge, pa Greekme ge miakpie caisui eh rangai. Luke pe laisiukwak ga perwak kereiemdai ga peu anuide Jisu teilung ha kesangbe nah cangsiak kecu cilu kerane raugai lalie eh ranggai. Pa rau cangsiak kegai tei, pe teilung riasiak gade.

Laisiukwak aide kerau ga Luke kecet liecai Jisu au mina pelane de ku lalie kecude. Pa au Khrista pecu keredau nah resiu kegaime mipui zi de nah penui ha de rau kegai tei. Pa au Samliakeyi keda ga swade hename dage pe lung kaiki kecu teigai. Keraide samgwadung ga, pa kegahme nah mine teikeherei kelame ha raugai. Luke au Jisu herasam ga mina ge kesang pa “gah kedime de peei nah kelilu kera gwanglie (19:10)” eh ranggai.

Laisiukwak aide pelane ga misuikeyi samdi dele kepui tei-Mary lei gade nah kekamle tinggimgwame Jisu de mna kelu gade ledeukelume Khrista cuh kedicai penui “suiyisüt eh Jerusalem ga cailigwang” kedi. Luke ai Khrista samliakeyi de ranglia nah pa kegwang dene kemau deu aika suiyi nah keregui nah kelikelu de si lie eh rau mcigi liagai.

Pelung ga keladung

Mraisam (1:1-4)

Duipumketeibe John nah Jisu de kemna nah hena dau (1:5-2:52)

Duipumketeibe John bata (3:1-20)

Jisu de duipum teikelu nah kehedei (3:21-4:12)

Jisu mide keledeu nah teikengkei ta (4:13-9:50)

Jisu bata (9:51-18:30)

Jisu keherei nah gwakkedi (18:31-23:56)

Ringcuhkecu nah cuhkedi (24:1-53).