Tutiakme

Judges

Tutiakme Laisiukwak

Mraisam

Laisiukwak aide Joshua tsit dwa nah Samuel heta ketei kakga Israelme rasam rangbam. Aipau tingkak de kengkiengme, tutiakme lie qukelamedung, Israel leuhme reu kedi teikelame tingdau lie la. Tutiakme laisiukwak ga pe rehi ge nzui kecu teibam:

1. Israelme au Tinggwang gwatei nah pecu hung keladau lungciep bam eh lungh.

2. Israelme Tinggwang de nsung tadi nah mamie reca di.

3. Tinggwang kidame leuh de langgai eh regi nah peu penui reu di.

4. Israelme Tinggwang da nreugwang eh penui maugi beulo kiedi.

5. Tinggwang pe minadung mau gibeu nah penui ngauraume de gwalu kera tutiakme langgai eh penuide ngha nah kelilu.

Aipauting Israelme ha ga pe rehi teidai dai kecu tei. Tutiakme pelane ge kereiemengei muiteu tei kegwang ha raupwa la. Penui ha ci mcitubedung au Deborah, Gideon, nah Samson.

Pelung ga keladung

Tutiakmedung dau ha (1:1-3:6)

Heleuhdung kegwa nah tutiakme puisau ketei (3:7-16:31)

Mamie kereca nah renamme reutak (17:1-21:25)