Northern Zeme Bible
Joshua 16
Ephraim penai Manasseh de nzikebeu
Joseph leuhme de kepeu hangdeu Jericho ga Jordan gade nghang jüja, Jericho duirwak naimiak kepetle, hetaideu ga lüt, Jericho gade nghang Bethel kideutu ga. Pecai Bethel gade cide Luz ga mie nah Ataroth ga Arkime deurai de kah gwang. Cide Japhletme herai deu naimiak kenlüt lebie mie, Beth Horon Nkangbe herai kecang, nah cide cikade Gezer ga mie, nah jaaidi gade cangdi. Cine Joseph, Manasseh nah Ephraim leuhme, penui mabam ngaulu.
Aide penui pautsa rehi gade, Ephraim leuhme gu herai: Penui mabam herai naimiak kepet lebie tu cai Ataroth Addar, Beth Horon Nreube ga kecang, nah herai jaaidi ga miecang, Mikmethath de tingtünle bam, nah pecai herai naimiak kepetle bie ge nreugai Taanath Shiloh lambie nah cide kahpwa kepet lebie Janoah ga miecang. Pecai Janoah gade Ataroth nah Naarah ga nghung, nah Jericho gwangcang, Jordan ga mpetlu. Pecai Tappuah gade herai naimiak kenlütle Kanah Reuceu lebie miecang. Aide Ephraim napeimedung leuhme mabam, penui pautsa rehi gade, Ephraim napeimedung ziemne keu ntsam kenzeu namdidung de si eh Manasseh leuhme mabam lungga kebam, namdidung nah penui renamdung pelane. Penui Canaanme Gezer namdi ga lungh kebamdung de gwa mpet dima, cine Canaanme henai kecang de Ephraimme kakga lungh la, cine penui kemei tei eh kilame teidi.
Northern Zeme Bible. Copyright © Bridge Connectivity Solutions Pvt. Ltd. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.