John

John

John Samliakeyi

Mraisam

Samliakeyi mdaibe debai Jisu ne ledeukelu kereiekena hangge John ne raugai, “Jisu hung kela ledeukelube.” John Samliakeyi aide AD 90-100 kakga raugai iciu eh “nnui Jisu au Khrista, Tinggwang Na lie eh nlumlu kerane nah nnui nlumlu eh pezi gade kering ngaulu kerane” (John 20:31).

John laisiukwak aide Jisu Khrista teilung nah pe bata hadung ge raugai liede, cide au Samliakeyi keda kecumdung dade tsamceu. John au Samliakeyi kedadung ga raupwala kemak ha raugai. Miswakega bata Samliakeyi kedadung ga raupwa kela kena rünne John ga la. Laisiukwak aika samgwa kegai gede bam ma nah Jisu mina nlimedung kempau ha rangmting gai.

Samliakeyi aide ta cai zasidung, Samliakeyidung ga miswakega batadung lie kebamdung de, ranglia gaibam. John raukegai zasi aidungde Khrista au Tinggwang lie kecu nah kengkieng kedi bamlie kecu kesang delie raugai. John au Jisu de Tinggwang Nabe lie kecu rangmci kegai rünne mene Jisu au leu, pe suisia, mzeu, nah mide keku gade, mina kesang lie kecu liagai.

Pelung ga keladung

Samkeraibe nah samdi (1:1-18)

Jisu ha rangliakegai (1:19-4:54)

Tinggwang Na tei eh Jisu bata keteidung (5:1-10:42)

Jerusalem ga kebwakkedi (11:1-12:50)

Jisu ledeukelume de ngngwakela (13:1-17:26)

Kedei, ketsai, nah kekung (18:1-19:42)

Ringcuh kecu nah sam kekambe (20:1-21:25)