Skip to content
BibleKenya

Northern Zeme Bible

Jeremiah 45

Baruch dage Sam ge

Caihakecibe Jeremiah ne Neriah napei Baruch dage sam aide ranggai. Aide Jeremiah ne rau lu lo Baruch dage ranggai eh kehezui laisiu gage pa rau kelu tei lu, aide Judah gwangpei Josiah napei Jehoiakim hegwang tei kelu mmi mdai bekum, nah pa ranggai, “RAMPAUBE, Israel Tinggwang, aide Baruch n dage rangzeu: Nang rangla, ‘Ainie Ih keherei dida, kedanemene RAMPAUBE Ih keherei kebam gage kaisi kegaine. A reidung ziemne Ih mra eh mnei dida; Ih kemtak gede ngau luma.’ Nang pe dage ainzwa rang beulu maisia: ‘RAMPAUBE aide rangzeu: pielo, Ih dai teigai bi, cu Ih teimsia zeuda, Ih ling kegai de, Ih cu paidi zeu da, Ih aide kideu pelane ga teigai zie. Dede nang nkatei nziemne ma kedi ngaulu kebui nzwa cetla ni? Cide regui eh cetla so. Kedanemene pielo, kekap mina pelane da gwangla di delu, RAMPAUBE aide ndugai, dede Ih ncu n keringria kelibeu zie n ziehi nzwa nang keheiga mie liede.’”

Northern Zeme Bible. Copyright © Bridge Connectivity Solutions Pvt. Ltd. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.