Isaiah 12

Ketwa Leidung

1Cipau benai nang lei teizie,

“Ih ncu hetwa pwapeu zie, RAMPAUBO. Kedanemene nang acu n rata la liede, n lunghop nang teunreu dida, nah nang alung tei relui beu.

2Pielo, Tinggwang au acu kelikelube; Ih nlum zie nah ngngi dilak,

kedanemene RAMPAUBE, yeo, RAMPAUBE au a kengkieng nah a lei. Pa a kelikelube tei luda.”1

3Suiyi teu eh kelikelu tekwadung gade nang dui twak zie.

4Cipau tingba benai nang lei teizie, “RAMPAUBE de hetwa pwapeu lo nah ncu ngha kera pecu qulu;

pe batadung mina dage ranglia lo, pe zi hetwa pung kelube teu sahlo.2

5RAMPAUBE dage lei teigai lu, kedanemene pa kendu batadung tei kegai ne; kideu reu pelane ga de peu aide ci lo.

6Mrabak nah suiyi sahlo, nnui Zion ga kelunghmedung, kedanemene nnui kakga Israelme gu Kemci Tinggwang au dizu lu.”