Kendeu

Genesis

Kendeu Laisiukwak

Mraisam

Kendeu laisiukwak aide ma kekieege ndeu kegai hadung-tingkideu kendeu, mipei nah mipui kendeu, mina kemau ketei ndeu, Tinggwang sampetdung nah kelikelu mariemdung kendeu, nah Abraham penai Tinggwang kakga yimting eh ngngwa kelung ndeu kelu. Kendeu laisiukwak ga yiki kecu Tinggwang gu minadung nah penui teilung ziemne riem kelu ha ranglia bam. Mina aidung de si: Adam penai Eve, Noah, Abraham, Isaac, Jacob, nah Joseph nah pe sinamedung.

Pentateuch lie qukela sam cide pekie laisiukwak mengei, gade Kendeu laisiukwak raitube, nah cide Bible ga laisiukwak raitube mengeidung de da. Laisiukwak aidungde de hezai laisiukwakdung lie qula, kedanemene cidungde ga Israelme ziemne Tinggwang keledeu samdung nah hezaidung kebamne. Kendeu laisiukwak kaipwa kebam pekie cai cide dainzwa Israel yimting eh Tinggwang gu mina tei lubi kecu rasam ranglia kebamne. Laisiukwak mengei aidungde Moses ne rau kegai nzwa, Hezaidung perwak kamtude Moses tsit ha rang kebamde gwale.

Pelung ga keladung

Tingkideu, kideu, nah mina (1:1-2:25)

Mina kaukedi nah kemau caineu (3:1-5:32)

Noah rasam (6:1-9:29)

Mina leuh zangra kepet (10:1-11:32)

Abraham teilung (12:1-25:18)

Isaac nah pe kelak (25:19-26:35)

Jacob pe namedung (27:1-37:1)

Joseph teilung (37:2-50:26)