Bata

Acts

Langkegaime Bata

Mraisam

Langkegaime Bata aide Luke ne raukegai maha pe kenabe. Anuide peu Khristianme ngqwa dainzwa ndeulu nah mmipet lubi kesangbe cilu kerane raugai.

Laisiukwak aide keraide langkegaibe kena Peter penai Paul bata ha raugai. Peter ne pe mpaube tei eh Jerusalem ngqwa kendeu gade heta tei nah Paul becai zierang kemlangbe tei eh deudi kennadung ga mina dage Khrista ha pau kerane tetpet kegaibe. Bata aide de “Kemci Rabe Bata” lie eh de qu lubui kedanemene cide Rabe gwang kera nah pe bata ha ledeu kebeune.

Bata laisiukwak ngqwa kerai aide ha makie kecum ledeu beu: 1) ngqwa kerai aide samlia daibi kecu; 2) dainzwa Jewme samlia aide mlai dibi kecu nah dainzwa Tinggwang langkegaime de Gentileme dage langgai bi kecu; 3) ngqwa kerai aide dade reketme nah, Romme zai dainzwa dibi kecu.

Pelung ga keladung

Khrista kelamna dau keledeusamdung (1:1-11)

Jerusalem ga ngqwabe (1:12-8:1)

Palestine ga di kepet (8:2-12:25)

Paul zierangketei beuh keraibe (13:1-14:28)

Jerusalem ga baudi (15:1-35)

Paul zierangketei beuh kenabe (15:36-18:22)

Paul zierangketei beuh kecumbe (18:23-19:41)

Paul Jerusalem nah Caesarea ga (20:1-26:32)

Rome ga Paul bata (27:1-28:31)