Corinthiame Kenabe

2 Corinthians

Paul ne Corinthiame dage raukegai laisiu Kenabe

Mraisam

Corinthiame kenabe aide laisiu keraibe raukedi cai peting kiekemak ge cai AD 55-56 dau rau kegai nzwa. Corinthiame keraibe ga kebam pangkepop nah makenaangdung de cude Corinth ngqwa ga bamreu. Paul pekatei de Corinth ga mbeuh kelwamie lubui, dede püt zette di kedanemene ngqwa ga midung ge nli raudi nah Paul au Tinggwang ne langkegaibe melie di.

Macedonia ga cailigwang kelucai, Titus ne samliakeyi Corinthiame ngqwa ga minadung penui kenaangdung nah kemaudung cilwe nli dineu bam kedi ha peda teugwang beuge, Paul pesui yilu. Cipau tingdau Paul pe laisiu kenabe aide Corinthiame dage raugai.

Laisiu kerai lambie Corinthiame ndaa teimau kedi nah cu au Tinggwang lungningbe nzwa lunghdi kera teibam kedi ha siu luge daikenzwa gede pe suiyi nah nggaibi kecu ranggai. Laisiu kekam lebie mina pecu ngkau kelame nah pe ha kesang kemak rang kelame dade, Paul pekatei pecu regum kecu sam ranggai.

Pelung ga keladung

Samkeraibe (1:1-11)

Tinggwang gwabe Paul (1:12-7:16)

Mbang eh makekai (8:1-9:15)

Langkegaibe Paul (10:1-13:10)

Kekambe (13:11-14)