Timothy Keraibe

1 Timothy

Paul ne Timothy dage raukegai laisiu keraibe

Mraisam

Timothy keraibe nah kenabe nah Titus de pastorme laisiudung lie qula nah cidungde Paul ne raugai. Kedanemene cidungde pastorme buimaci nah penui tadung raupwa kelane.

Timothy de Lystra gade mnalu nah pe pei Greekme nah pe pui Jewme (pa pecu hena daude kesanglaisiu ledeu beu). Paul zierang ta ketei beuh kenabe ga pa Paul de nzang nah cidau gade pa Paul de pe ta ga ngha gwang. Paul laisiu aide keraudau, Timothy au Ephesus ngqwa ga keledeube nah muiteube tei bamla. Timothy ngqwa kedige muiteu tei eh heta kemlang tei kera henazu zeureu, cine Paul laisiu aide pe dage kaigai.

Laisiu aika Paul pe ta ziemne kengha nah keledeusam peugai. Pa pe dage kenret keledeume nah penui keledeu samdung au Tinggwang samdung ga riangkeu melie mrai ranggai. Paul Timothy ma piesüt kelane, pa pecu dainzwa eh “Tinggwang mina” teilu labi ledeu beu.

Pelung ga keladung

Sam keraibe (1:1-17)

Ngqwabe ziemne keledeu sam (1:18-3:16)

Timothy de ledeu kegai (4:1-21)