Hegwangme Karaibe

1 Kings

Hegwangme Laisiukwak Keraibe

Mraisam

Solomon hegwang teikelu 971 BC gade Hegwangme Keraibe ga hegwangram nzi kedi Israel ha Ahab napei Ahaziah tsit kecang ha raupwa la. Sau 3 gade Solomon hegwang ketei ha, Jerusalem ga kerecaki nah hegwangki ketei ha si eh raupwa la.

Rehoboam, Solomon napei, Solomon tsai kedicai hegwangbam leulu dede hegwangram nreulebie Jeroboam de peudi. Aipaucai nreule gwangram de Israel lie qudi, nah ngkangle gwangram de Judah lie qudi. Hegwangme Keraibe pesau kamtule bie kemau gwangpei Ahab nah Tinggwang caihakecibe Elijah, Ahab kenlien nah Israel samzai teikemak de mmau kegai ha ranggai.

Hegwangme Keraibe nah Kenabe raukegaibe de Israelme Tinggwang dade nah pe samkak de gade kesamsang hade pesui kelame pa hegwangpei hangge ge kecu pa Tinggwang dade masang nah kemak ha raulia gai. Keraube samtie “RAMPAUBE dwade petaube teilu” mede “RAMPAUBE dwade kemau teidi” de kecu rau eh hegwangpei keyi ha mede kesia ha raugai. Tutiakme nzwa Israel au Tinggwang samzai tei luge Tinggwang kideube gage lungciep teugwang kebeu, dede minadung samzai teiluta dige nah mamie reca dige Israel deu ga hereu teidi nah kengkap kedadung gwang eh kehereidi kela ha raugai.

Pelung ga keladung

Solomon hegwang ketei (1:1-11:43)

Rehoboam nah Jeroboam (12:1-14:31)

Israel nah Judah gwangpeidung (15:1-16:34)

Elijah nah Ahab (17:1-19:21)

Ahab hegwang ketei nah Jezebel (20:1-22:53)