Galatia

GALATIA

Mi-ngaidiang Paul Chemajia

Chonglamsaat

Paul in Galatia koisuok ngai khanna kaom, Jihudi khat-um Jihudi ka-emak Christian ngai diangnga arilla imajia eii. Akatuunmak minchuna khachu, Christian ngai'n Jihudi ngai dan ngai Inzootna Maruo ah inphut arei ka-eya wuntan hi juisik arei eii inti kha zootmak ah imajia eii. Khawakhan mi-rahooi inkhat Christian ngai karra Judaizer tia inkoi ngaikhan Jihudi ka-emak Christian ngai'n wuntan hi arei om kati inleiom. Inmani hi-um Paul tirton inkhat ena thomatorna chungnga chongkarakel ngai tia inkoi. Paul in ama thurchi lekkhat arilla ama tirton enakha alei-inngaak (1:11–2:14) halli ama'n Jisu Christa ngamna khanbit sanminringna hi nimu tia chongkahoi hi arilcheenna alei-inngaak (2:16). Hiwahi mi ngai itho emak takkha hiwahi Pathian riangwai malarna kara kha eii.

Asuungnga kaom Chong

1. Paul in Galatia ah kaom koisuok ngai donna ama chemajia aphut

2. Halli Paul in ama apumtak omchan lekkhat arilcheenna ama minchu matorna khat-um ama'n dan khan ringnasik aleitho takkha khawa khan itho matormak tia alei-inngaak

3. Anuoiya ama'n dan thosik khat-um riangwai'n sanminringna ah thosik jarra kheella arilcheen

4. Halli ama'n akatha Christian ringkhuo-ah omnasik mipui minchuna lekkhat kha aleipeii

5. Paul in ama chemajia hi minpaakchong khat-um tuoltiangnga sinadan khawa wuntan kha neek-ah Pathian in akathar miring inkhat ah i-nabool khan kheella aru eii ti ngaidonnasik anili aleiminhek