Luk
Luke
Introduction from this edition
Na'ayen Yelehun-som la dol
Luk
golihug poŋi
Pĩ'ĩlug
Na'ayen Yelehun-som la dol aa Luk n golih se'em la, pa'an ka Yezu a la buyi; nɔdiŋir fããt la tet Izirɛal ni tengbauŋa nirib zã'ã. Luk golih diŋ yi Daan la Sii la n da bɔɔl Yezu yii, <<U tar Na'ayen yelehun-som la na te tarinam,>> ka Yelehun-som boo mi pɛ'ɛl mi ni se'el woo ka nir buuri woo bɔɔt. Se'el n tet nyaɣahum Luk golihuga ni mi, sɔ̃ u pĩ'ĩlug bɔɣɔhug la n pa'an Yezu kenna la; ni ku ba'ahug ni, n pa'an Yezu n do U Ba' yir tensoŋi ha la. Solimir la n pa'an Krista biih sera sakir zɔɔgir ni di yaligir dol Yezu Ba' yir tensoŋ doo la nya'aŋ la, yi la Tooma gbauŋ la ni na, gban se'eog ka Luk nɔɔ golih la.
Bɔɣɔhug-nam buyi ni buyoobi la ni (behum golihug la n dol se'em la n be teŋira) tar yela mi zɔ'ɔ zɔ'ɔ n be la Na'ayen yelehun-som gban-koo la wa ni ma'a, a aa solim se'er n tɔɣɔt Na'ayen maleka nam ni dunkeem la woomir la, bam n da keŋ Yezu dɔɣum zĩ'ĩ la; Yezu N da a bii ka be Na'ayen po'ohug doog la ni la, ni Samaariya teŋ Nivosoŋ la maɣahir la ni Dawɔɔ la Borigir la. Dol Yelehun-som la paagit a ba'ahug, po'ohug, Vo'ohun-som Sii la, bompɔɣɔh tooma n a se'a Yezu Tooma wa ni, ni Na'ayen suguru dii tet yelebe'et dem n a se'el ka golihug la ba' tɔɣɔt.
Golihug la n dol Se'em
Pĩ'ĩlug (1.1-4)
Geon Baptis dɔɣum ni u biilimi ni Yezu yela (1.5—2.52)
Geon Baptis Tooma (3.1-20)
Yezu soob ni U makir la yela (3.21—4.13)
Yezu yara tooma Galili poŋi (4.14—9.50)
Zɛ'ɛl Galili yɛ Geruzalɛm (9.51—19.27)
Bakɔ'ɔr zã'ã daan Geruzalɛm poŋi ni ka kɔrunkɔrum la ni (19.28—23.56)
Daan la vo'ogum doo la, U nɛɛgirnam la, ni U Na'ayen tensoŋ yir doo la (24.1-53)
Nabt New Testament. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.