Filemon

Neletes Namun Pol Hiy Filemon

Nakaka non Filemon Qelegēn

Nakaka gōh nihole gatay Neletes Namun Pol Hiy Filemon, so nivasemlō nahap a neletes nan nigatay. Neletes gōh nikaka gatay Onēsimas tiwag mi Filemon, wa Pol.

Ba Onēsimas en, kē neslev. Welan nonon Onēsimas en, kē Filemon. Ba Onēsimas meplag qelen̄ mēdēn̄ Rom. Onēsimas wun matan̄tan̄hephep tō mi yatkel haphap non Filemon. Nele non ige Torom en, nele nan nihole gatay ige slev. Nele mavap so newelan vitwag tuwuh mat vēh neslev vitwag a nivan qelen̄. So Filemon wo etsas lok Onēsimas en, Filemon tiple wuhmat kē.

Lamahē nen Pol tog tō a lēm̄ yētyēt n̄a Rom. Ige Torom mōm̄ōk ige vagapgal so etgoy kē, ba kēy nukēg so ige yaplōplōn van me so et Pol. Tō Pol nitoytoy Noyoy Ēwē hiy ige Torom. Tō Onēsimas moyon̄teg nen, tō melep nēh nonon van hiy Kraēs.

Tō Pol moyon̄teg so Onēsimas neslev nonon Filemon. Ba Pol, kē nēglal galsi Filemon, veg Pol motoytoy tō Noyoy Ēwē van hiy kē am̄ag. Pol nemyōs so nim̄ōk lok natm̄at hiy Filemon wa Onēsimas. Bastō kē niyap neletes gōh. Tō kē mōm̄ōk neletes nan lemnen Onēsimas, tō nivētleg lok kē van hiy Filemon.