Jud

Neletes Namun Jud

Nakaka non Jud qelegēn

Nōbōk gōh kē neletes a Jud mayap hiy ige Krēstēn del. Kē mayap tō kē mēvētleg walēg nēm̄ yon̄ vētmahē del. Jud en, ikē ēthēn Tigsas Kraēs wa Jēmēs, ba Jud et lep kal te kē mahgen aē. Ba Jud mavasemlō kē so kē net mugumgu non Tigsas.

Jud nihole gatay ige a galgal so kēy ige non Ḡod, ba kēy et leh te den negengenyeg. Tō kēy vap so nubug tit tigoy vēhte gēn den nēh lap. Nēdēmdēm nonoy so Ḡod tēdēmveteg vēh nēmgōngēn del, bastō gēn tubug vēh, ba itōk vēlēs. Tō kēy et wulyis te den nēmgōy. Ba ige het nan mololqōn̄ nohohole non Ḡod. Veg Ḡod mavap so gēn so dēm leh den nēmētwungēn mey a nehet tō so van me ige nonon. Welan magatgoy ige nonon den nubug. So net wo mētēy maymay nēmgōn en, tō Tigsas et Welan nonon te.

Jud nivap so nakaka den am̄ag mavasemlō so Ḡod tēvēvēg ige gengenyeg. Kē nihole gatay yatkel kaka den Navatvat Tēnēte, wa yatkel kaka non ige Juw.