3 Jon

Neletes Namun Jon Mey Vētēl

Nakaka Non 3 Jon Qelegēn

Nahal a mayap neletes gōh ikē Jon, nitin̄qoy non Tigsas. Am̄ag, Jon mayap Noyoy Ēwē veg Tigsas Kraēs. Jon mēvētleg neletes gōh hiy Ḡayus, net vitwag mey nitig helem̄ag nēm̄ yon̄ vitwag.

Lamahē nen navatvatne ne ēm̄ yon̄ mavan me den Tigsas heylō ige hal. Kēy mayap neletes wa mēvētleg walēg velvel ēm̄ yon̄. Wa tō kēy mavatne ige vatvatgo yatkelgi so vētleg kēy van hiy ige lēm̄ yon̄.

Jon so nivētleg navatgo gayaq van hiy nēm̄ yon̄ non Gayus. Navatgo nan, nahan Dēmētrias. Tō Jon mayap neletes gōh so nivasemlō kē van hiy Ḡayus.

Jon nihohole gatay ‘nēhēyhēywē.’ ?Ba nēhēyhēywē nahap? Lēdēmdēm non Jon en, namanig nan so Tigsas, wa Nuvu, wa navatvatne non Tigsas.