2 Jon

Neletes Namun Jon Mey Mehiy

Nakaka non Neletes Namun Jon Mehiy qelegēn

Nahal a mayap neletes gōh ikē Jon, nitin̄qoy non Tigsas. Am̄ag, Jon mayap Noyoy Ēwē veg Tigsas Kraēs. Jon mēvētleg neletes gōh hiy nalqōvēn vitwag mey a nitig helem̄ag nēm̄ yon̄ vitwag.

Lamahē nen navatvatne ne ēm̄ yon̄ mavan me den Tigsas heylō ige hal. Tō kēy mayap neletes wa mēvētleg walēg vel ēm̄ yon̄. Wa tō kēy mavatne ige vatvatgo yatkelgi so vētleg kēy van hiy ige lēm̄ yon̄. Ba yatkel vatvatgo en, kēy mitig kēlē den Ḡod. Tō kēy mavan walēg yatkel ēm̄ yon̄ so vatne ige sil lavatvatne mey nehet.

Hay lelo letes en, Jon mayap hiy nalqōvēn nan so tēy maymay navatvatne mey netnenen a Tigsas melep tō me am̄ag. Tō Jon mōlgontegoy kē so tog kokm̄egoy ige vatvatgo het hay lēm̄ nonon.

Hay lelo leletes gōh, Jon nihohole gatay ‘nēhēyhēywē.’ ?Ba nēhēyhēywē nahap? Lēdēmdēm non Jon en, namanig nan so Tigsas, wa Nuvu Yon̄, wa navatvatne non Tigsas.