ଏଫିସିୟ
Ephesians
Introduction from this edition
ଏଫିସିୟମାନଙ୍କ ନିକଟକୁ ପାଉଲଙ୍କ ପତ୍ର
ଏଫିସିୟ ବିଶ୍ୱାସୀକତାଃତେ ପ୍ରେରିତ୍ ପାଉଲୁସ୍ଆଃ ଚିଟାଉ
ପାରିଚାଏ
ଏଫିସୁସ୍ ନାଗାର୍ରେୟାଃ କାଲିସିୟାତାଃତେ ଅଲାକାନ୍ ଚିଟାଉ ପାଉଲୁସ୍ଆଃ ହରାତେ ଅଲାକାନା । ନେଆଁ ୟୀଶୁ ଖ୍ରୀଷ୍ଟ୍ଆଃ ଜାନାମ୍ ତାୟମ୍ ୬୦ କରେ କଲସିୟ କାଲିସିୟାତାଃତେ ଅଲେତାଇକେନ୍ ଦିପିଲିରେଗି ନେ ଚିଟାଉ ଅଲାକାନ୍ ତାଇକେନା । ଅନଲ୍ନିଃ ଆଇଃକ୍ଗି ପ୍ରେରିତ୍ ପାଉଲୁସ୍ ମେନ୍ତେ ପାରିଚାଏ ଏମାଃଏ,
ଏଫିସୁସ୍, ଏସିଆ ପାର୍ଗାନ୍ରେୟାଃ ମିଆଁଦ୍ ମାରାଙ୍ଗ୍ ସାହାର୍ ଆଡଃ ମାରାଙ୍ଗ୍ ନାଗାର୍ ତାଇକେନା । ଏଫିସୁସ୍ରେନ୍ ଗ୍ରୀକ୍ ମାହାପୁରୁ ଆର୍ତ୍ତେମୀରାଃ ସୁନୁସାର୍ ଆଡଃ ଆୟାଃ ମାନ୍ଦିର୍ ନାଗେନ୍ତେ ପୁରାଃ ନୁତୁମଃତାନା,
ପାଉଲୁସ୍ ଆୟାଃ ଅନଲ୍ରେୟାଃ ଚିମିନ୍ ହିସାକରେ, ପାର୍ମେଶ୍ୱାର୍ ଚିଲ୍କା ଆୟାଃ ହଡ଼କକେ ସାଲାକେଦ୍କଆ ଆଡଃ ଚିଲ୍କା ୟୀଶୁଆଃ ହରାତେ ପାପ୍ଏତେ ବାଞ୍ଚାଅ ନାମାକାଦାକ, ଏନାଏ ଉଦୁବେତାନା । ପାଉଲୁସ୍ କାଲିସିୟାକେ ହଡ଼୍ମଲଃ ଜକାକେଦ୍ତେ, ଖ୍ରୀଷ୍ଟ୍ ଏନାରେନ୍ ବହଃ ଆଡଃ କଚାରେନ୍ ମାରାଙ୍ଗ୍ ଦିରି ତାନିଃ, ଅକ୍ନାଃଲଃ ଚି ମେସାକେଦ୍ତେ ମିସାତେ ହାରା ଇଦିୟଃତାନା । ପାଉଲୁସ୍ଆଃ ଚିଟାଉରେୟାଃ ଆଧା ହିସାରେ ଖ୍ରୀଷ୍ଟିୟାନ୍ ଜୀୱାନ୍ ବିଷାଏରେ ଉଦୁବାକାଦା ।
ପୁଥି ଭିତାର୍ରେ ତାଇକାନ୍ କାଜି
୧. ପାଉଲୁସ୍ କାଲିସିୟାକେ ଜହାର୍ ଆଡଃ ପାରିଚାଏ ଏମେତାନାଏ ।
୨. ଖ୍ରୀଷ୍ଟ୍ଲଃ କାଲିସିୟାରାଃ ନାତା ।
୩. ଖ୍ରୀଷ୍ଟିୟାନ୍ ଜୀୱାନ୍ ବିତାଅରେୟାଃ ହରା ।
୪. ପାଉଲୁସ୍ଆଃ ଟୁଣ୍ଡୁ ଜହାର୍ ।
ପାର୍ମେଶ୍ୱାର୍ଆଃ ଜୀନିଦ୍ ବାଚାନ୍. Copyright © 2020 The Word for the World International. Licensed under CC BY 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY 4.0 · SourceEdition imported 2026-10-25.