Meng Lai 43

En kowh anowi hai tiama nowm uang tüng ang diah

1Aw Thurai, chet ang tara nowm diah;

angakma mih chenchap kowi nakingküala kownkow tawi tangila ang diah,

now kuanlama mih hai chang ngak mih maru-uüa hownia lawng ang diah.

2Tawngplawng kowchow panow ang kowh akhawtma mih tatung tanimra kim dow en chowtaih.

Tawng rakowi chow en tuk nuata ang khai?

Tawngplawng kowchow ransu-uüa chang ang nowng hanow tuk towk ang krat khai?

3En kowh anowi hai en kowh anowm tüng ang diah,

en kowh anowi hai anowm mih pacham tüng ang tiama lah.

Nami anowi hai anowm dow en uowi rah kowi pacham pawla ang lah,

now en kowh chimsaima mih hungh kowi pacham pawla ang lah.

4Nahanow Thurai phuchuara re-e ang naia kowi kown towbowt,

en chowtaih ang kowh piawra hai awmrawmra.

Aw Thurai, ang kowh Thurai,

nakowi mih tepla taraw se ang nakiow en kown.

5Tawngplawng kowchow khowt pat ang kowh sak tuk nen khai?

Tawngplawng kowchow khowt pat ang tuk tuak krat khai?

Thurai luk kowi ang naowmsak kown,

aia kowi ang naplan kiow iawk kown.

Aia chowtaih ang kowh lawng miia hai ang kowh Thurai.