Meng Lai 15

CHAKRAMANG kowi mia chow kiow taing?

David kowh meng.

1Aw CHAKRAMANG, en kowh taklowp taklangra te kowi mia chow kowkup kown tataing?

En kowh chimsaima mih Zaiawn hungh kowi mia chow kowuowi kown tataing?

2Tataing mih dow maiawng mih maru-uüa chowtaih:

Thurai nau iawng uowi mih,

chang lup iung mih,

saktuak anowmma hown tek lai mih,

3nawr hown prawngren maru dowi mih,

auiuauüa kowi krawi chang ngak dowi mih,

kimping namkhetuüa lawnguan kowi cham tek naklak dowi mih,

4maru ngakuüa kowi mik ngak hown krawi mü reng mih,

CHAKRAMANG nau iawng chang miuüa kowi ringkaw mih,

krat pusara uang ting chepaw takhamta iawng chang reng mih,

5paw achüt dowi kowi pe tangka khawi reng mih,

ngak uowi dowi mih maru kowi nathuak pe dai lai saksi kownkow cha bümsua dowi mih chekhai.

Naiawng mih maru dow chowngchowng saksakma anikma nauowi reng kown.