Meng Lai 128

CHAKRAMANG kowi ringkaw mih dow prasira uowima

Mami dow Thurai chup kim kowi kowkowi khe kowh meng chekhai.

1CHAKRAMANG kowi ringkawma hown kram mih maru dow prasira uowima,

now aia tiama kowi mang mih maru paw prasira uowima chekhai.

2En kowh kawm rak dow en naka cha kown;

asowrma hai aiungma en naka uowi kown.

3En masi mih auih chakma mih grep ruih iawng naka chah kown;

en kowh chauüa dow kanrawn pawi awr iuk iawng

pawitang riaret kowi naiuk nasown kown.

4CHAKRAMANG kowi ringkawma hown kram mih maru dow naiawng hai naka prasi kown.

5CHAKRAMANG dow Zaiawn hownia pacham pe en prasi lah;

Jerusalem marow dow chownglawng prat aiungma pacham khi en lah.

6En kowh chu cheuüa kowi dow en pacham khila lah,

Israeluüa luk kowi dow thaulangra pauang cham ting lah.