1 Krungchakuüa 7

Isakar krungchakuüa

1Isakar kowh chapa tali ia mih ming dow Tola, Pua, Jasub hai Simrawn büah chekhai. 2Tola kowh chapauüa dow Uzi, Refaia, Jeriel, Jamai, Ibsam hai Semuel büah chekhai. Amatni dow chowlowkkow krungchak kowi kowh aluchow kangowh chekhai. David chowm mang mih khin khe Tola krungchak kowi kowh ming rui uowi mih tasen kiakma miuüa dow 22,600 ia chekhai.

3Uzi kowh chapa dow Izrahia chekhai. Izrahia kowh chapauüa dow Mikhael, Obadia, Joel hai Isia büah chekhai. Amatni paw chowlowkkow krungchak kowi kowh aluchow kangowh chekhai. 4Amatni kowh dow masi chauüa akawmma chekhai. Naiawng rakowi amatni krungchak hownia ming rui uowi mih tasen uang mih nget maru iun 36,000 ia chekhai. 5Isakar krungchak maten hownia kowh ming rui uowi mih tasen uang mih nget maru iun bowkbowk kowi 87,000 ia chekhai.

Benjamin krungchakuüa

6Benjamin kowh chapa sum ia mih dow Bela, Beker hai Jediael büah chekhai. 7Bela kowh chapa tanga ia mih dow Ezbawn, Uzi, Uziel, Jerimawt hai Iri büah chekhai. Amatni dow chowlowkkow krungchak kowi kowh aluchow kangowh chekhai. Amatni krungchak hownia ming rui uowi mih tasen kiakma mih nget dow 22,034 ia chekhai.

8Beker kowh chapauüa dow Zemira, Joas, Eliezer, Eliawenai, Awmri, Jeremawt, Abija, Anathawt hai Alemet büah chekhai. 9Amatni kowh krungchak ming tang bowih kowi ming rui uowi mih dow tasen kiakma mih nget 20,200 ia hai aluchowuüa ming chekhai.

10Jediael kowh chapa dow Bilhan chekhai. Now Bilhan kowh chapauüa dow Jeus, Benjamin, Ehud, Kenana, Zethan, Tarsis hai Ahisahar büah chekhai. 11Jediael krungchak kowi naiawngünuüa dow chowlowkkow krungchak kowi kowh aluchow hai tasen kiakma miuüa chekhai. Amatni krungchak kowi kowh cham dowk tasen kown kamrütma mih tasen kiakma mih nget dow maru iun 17,200 ia chekhai.

12Ir kowh chapauüa dow Hupim hai Supim iüah chekhai, now Aher kowh chapa dow Husim chekhai.

Naptali krungchakuüa

13Naptali kowh chapauüa dow Jaziel, Guni, Jezer hai Salum büah chekhai. Amatni kowh u ming dow Bilha chekhai.

Manase krungchakuüa

14Manase kowh chapauüa dow Asriel hai Gilead kowh pa Makir iüah chekhai. Kowiüah dow aia changla masi mih narma Aram chenchap masiuüa hown kowh Manase kaah mih chapa chekhai. 15Makir kowh dow masi uowi pre ma chekhai. Amatchi dow Hupim hai Supim1 krungchak hownia kowh chekhai. Lowk mih masi ming dow Maka2, now alowk mih ming dow Zelofehad chekhai. Amasi Zelofehad hown kowh aia kaah mih dow masiuüa kangowh chekhai. 16Amasi Maka hown kowh aia kaah mih chapa ming dow Peres chekhai. Peres kowh naumow ming dow Seres, now achapauüa dow Ulam hai Rakem iüah chekhai.

17Ulam kowh chapa ming dow Bedan chekhai. Amatni dow Gilead krungchak maru chekhai. Gilead dow Makir kowh chapa, now Makir dow Manase kowh chapa chekhai. 18Gilead kowh tuamow Hamoleket kowh chauüa dow Ishawd, Abiezer hai Mala büah chekhai.

19Semida kowh chapauüa dow Ahian, Sekem, Likhi hai Aniam büah chekhai.

Efraim krungchakuüa

20Efraim kowh chapa dow Suthela, Suthela kowh chapa dow Bered, Bered kowh chapa dow Tahat, Tahat kowh chapa dow Eleada, Eleada kowh chapa dow Tahat, 21Tahat kowh chapa dow Zabad, now Zabad kowh chapa dow Suthela chekhai. Efraim kowh chapa uowi pre ia tak mih dow Ezer hai Elead iüah chekhai. Nachenganchepaw kowiüah dow Gat kowi cham ku tawncher khe Gat kowi kowh maru-uüa bawpah kowh kowng khai. 22Amatchi vüi a-pa Efraim mih akrama uowila uiting uangtak khai. Nakhowk khe Efraim kowi aia kowh tasin taken miuüa uang tek pe sakklamra lai khai. 23Nami kung kowi aia dow amasi hown plan taphua taiua hanow plan ka chapa lowk ia khai. Achapa ming dow Beria pahai a-pa Efraim rük pe khai. Beria pami auan dow “akrat” pami chekhai. Naiawng achapa ming aia rük pe mih dow nami khin khe aia kimchakuüa luk kowi akrat uang ting rakowi chekhai. 24Efraim kowh chama ming dow Sira chekhai. Sira dow aluk Bet-Hawrawn hai adak Bet-Hawrawn hown Uzen-Sira kua thawp miia chekhai.

25Beria kowh chapa dow Refa, Refa kowh chapa dow Resef, Resef kowh chapa dow Tela, Tela kowh chapa dow Tahan, 26Tahan kowh chapa dow Ladan, Ladan kowh chapa dow Amihud, Amihud kowh chapa dow Elisama, 27Elisama kowh chapa dow Nun, now Nun kowh chapa dow Josua chekhai.

28Efraim krungchakuüa kowh krawng bawn hai uowi rah dow Bethel hai aria aret kowi kowh kua, satlawt pra kowh Naran, satkup pra kowh Gezer hai aria aret kowi kowh kua ün chekhai. Nami klen kowi Sekem hai aria aret kowi kowh kua hownia Aiia hai aria aret kowi kowh kua mowr mih paw amatni kowh süng chekhai. 29Manase krungchak sünghi ria kowi kowh Bet-San, Tanak, Megido, Dawr marow hai aria aret kowi kowh kua maten paw Efraim krungchakuüa kowh süng chekhai. Naiawngün marow hai kua maten kowi uowi mih dow Israel kowh chapa Josef krungchakuüa chekhai.

Aser krungchakuüa

30Aser kowh chapauüa dow Imna, Isva, Isvi hai Beria büah chekhai. Now kowbüah kowh tuamow dow Sera chekhai. 31Beria kowh chapauüa dow Heber hai Malkiel iüah chekhai. Malkiel kowh chapa dow Birzait chekhai. 32Now Heber kowh chapauüa dow Jaflet, Somer hai Hotham büah chekhai. Now amatni kowh tuamow ming dow Sua chekhai. 33Jaflet kowh chapauüa dow Pasak, Bemhal hai Asvat büah chekhai. 34Somer kowh chapauüa dow Ahi, Roga, Huba hai Aram büah chekhai. 35Somer kowh naumow Hotham3 kowh chapauüa dow Zofa, Imna, Seles hai Amal büah chekhai. 36Zofa kowh chapauüa dow Sua, Harnefer, Saul, Beri, Imra, 37Bezer, Hawd, Sama, Silsa, Ithran hai Bera büah chekhai. 38Jether kowh chapauüa dow Jefune, Pispa hai Ara büah chekhai. 39Ula kowh chapauüa dow Ara, Haniel hai Rizia büah chekhai. 40Naiawngünuüa dow Aser chuprek chaprek kowi kowh chowlowkkow krungchak aluchowuüa kangowh chekhai. Amatni dow ruiah mih tasen kiakma miuüa kangowh hai chowlowkkow krungchak kowi kowh aluchowuüa kowi lang kri miuüa kangowh chekhai. Krungchakuüa ming tang bowih kowi ming rui uowi mih Aser krungchak kowi kowh tasen uang miuüa maru iun dow 26,000 ia chekhai.