ኦሮመ

ጳዉሎሳ ኦሮመ አሳይስ ጻፌዝ ኪታ

ገሎ

ሀዋረ ጳዉሎሳ ኪታይ ኦሮመ አሳይስ ጻፍንቴዛይ፥ ጳዉሎሳ ኦሮመ ጋንጨ የዝ ዎሳ ኬ በአዳይስ ቆፔዝ ግሾስ ኤ Ꮊንጎዳር ኡንቲ ጊግንቲ ናጎድ ጋርክ ኦዶዳሲ። ጳዉሎሳ ቆፋይ ኦሮመ ጋንጨ የዝ አማንዝታይራ ጽቃ ዎደ ኦዛይፕ ጉየ ኡንቲ ኤዛ ማድን እስፔነ Ꮊማዳይሲ። አማኖባ ባጋ ኤ ኤሬዛኔ አማንዛ አሳይ የ ትምርታ ኦሶል አፋ ፔሾድ ጋርክ ቆንጭሲ ጻፌዛ። Ꮊ ማጻፋይ ጋንጨ ጳዉሎሳ ኩን ኪታይ Ꮊ ቆፋ አይክዛ።

ጳዉሎሳ ኦሮመ ጋንጨ የዝ አማንዛ አስታ ቲናቲ ሳሮ ማቂ፥ ኡንትስ ዎስዛና ኦዴዛይፕ ጉየ ፋ ኪታይስ ባሶ ቆፋ፥ «ዎንግላይድ ጾሳ ጽሎትይ በንቴዛ፤ የ ጽሎትይ ቲናፕ ዉርስ ሄሎዳይስ አማኖር በንቴዛ» ግ ኦድዛ (1:17)።

የይፕ ጉየ፥ የ ቆፋ ዳልግሲ ጻፍዛ። አይሁድታ ማቅን አይሁደ ባ አታ ማቅን ኡቢታይ ናጋራስ ሞድንቴዝታ ማቄዝ ግሾስ ኡንቲ ጾሳር ዳቦቶዳይስ ኮሽዛ። አሳይ ጾሳር ዳቦቶዳይስ ዳንዳእዛይ የሱስ ክርስቶሳና አማኖራ። ኡንቲ ጾሳር መዛ Ꮊ ኦሮ ፐትፐተ ኣፋይ፥ ኦሮ የስ ማቅዛና ጳዉሎሳ ዳልግሲ ኦድዛ። አማንዛ አስ ጾሳር ሳሮ የዛ፤ ማ ጾሳ አያና ባጋር ናጋራፐኔ Ꮊይቆ ዎልቃፕ ከሲ ኤክዛ። ሸምፖ 5-8 ሄሎዳይስ ጳዉሎሳ ጾስ ህጋይኔ አማንዛ አስ የሳል ኦዝ ጾስ አያና ዎልቃ ቆፋይ አብዛኮ ኦድዛ። የይፕ ካሊ፥ ጳዉሎሳ፥ «ጾሳይ አስ ናእታይስ ቆፔዝ ቆፋ ጋንጨ አይሁድታይኔ አይሁደ ባ አሲ ዋይዚ ዎላ ዋጽንቶዳይስ ዳንዳኤ?» ዬግዝ ኦይቻይስ ማህ እማዳይስ ቡትቴዛ።

ማ አይሁድታይ የሱሳ ኤካም እጼዛይ ጾስ ቆፋ ማቄዛና ኦድዛ። የይ ሀኔዛይ የሱስ ክርስቶሳ ባጋር ቆንጭሴዝ ኣ ኬሄትይ ጋንጨ አስ ኮች ኡባይ ኤኮዳይ ጋርከ። ማቆዝን፥ አይሁድታይ የሱሳ ኤኮድ ዎደ የኦዳና ጳዉሎሳ አማንዛ። ዉርሰል ጳዉሎሳ አማኖር ዋይዚ የዞዳይስ ቤዝዛኮ ኦድዛ። ጾስስ ኦ ባጋ፥ አማንዛ አሳይ ፋ ቢታስኔ አሳይስ ዎል ጋንጨ ፐታይ ፐታይስ የዝ አደትር ኦድባዝኔ ካሃ ባጋር መንትዛ ኦይችታይ ባጋ ፓዲ ኦድዛ።

ኦሮመ ኪታይ አይኬዝ ቆፍታ

ገሎ

ኦሮመ ኪታ ኩስተ ቆፋ

አስ ናአስ አቶት ኮሽዛ ባዝ

ጾሲ አስ አሽዛ ኦገ

ክርስቶሳር በንትዝ ኦሮ ደኦ

እስሬለስ ጾስ ቆፋ

አማንዛ አስ የስ

ኩስተ ቆፋኔ ሳሮ