ፍልጲሶሳ

ጳዉሎሳ ፍልጲሶሳ አሳይስ ጻፌዝ ኪታ

ገሎ

ጳዉሎሳ ፍልጲሶሳ አሳይስ ጻፌዝ ኪታይ ጻፍንቴዛይ፥ ኦሮመ ቢታ ማቃዶና አዉራጃ፥ ፍልጲሶሳ ቢታ የዝ ዎሳ ኬይስ። የ ዎሳ ኬይ ጳዉሎሳ አዉሮፓ ቢታ ቲናቲ ኤሴዝ ዎሳ ኬቶ። Ꮊ ኪታይ ጻፍንቴዛይ፥ ጳዉሎሳ አች ኬ የዝ ዎደ ሀራ ዎሳ ኬ ኦሶ ኦዝ አማንዛ አሳይ ኤዛ እጼዝ ዎደኔ ፍልጲሶሳ ዎሳ ኬ ደንዴዝ ዎርዶ ትምርተ ባጋር ኤ ዎዝናይ ጋመ አዛኔዝ ዎደ። ዝን፥ ጳዉሎሳ የሱስ ክርስቶሳ ሚን አማንዛ ግሾስ Ꮊ ኪታይድ ቆንጨ በንትዛይ፥ ኡፋይስኔ ፎሎ አማንንቶ። ፍልጲሶሳ የዝ ጋመ አሳይ ኦሮመፕ ድእንቲ የኤዝ አስታ። ኡንቲ ኦሮመ ቢታስ ምጭንትዛኔ ሎእ ናግዛ። ኡንታፕ ፐታይ ፐታይ አማኖ ግሾስ ፋ ቢታ አሳይር ባይእንቴዛ። የ ባይእይ ኡንታል አፋ መቶኔ ማንቆት ከኤዛ (ሀዋ። ኦ። 16:20-21)።

ጳዉሎሳ Ꮊ ኪታ ቲን ጻፎዳይ ጋርክ ኡዴዛይ ኤ መቶ ዎደ ኤዛ ማዶዳይስ ፍልጲሶሳ አማንዛ አሳይ ማዴ ኤዝስ ዳኬዝ ግሾ ኡንታን ጋላቶዳይሲ። ኤዛል አፋኔ ኡንታል አፋ ዱማ ዱማ መቶ ሄሌዝባዝ ማቅኮካ ኡንቲ ሚንጎዳይ ጋርከኔ ኩን አማኖ አማንንቲ የዞዳይ ጋርክ Ꮊ ደንጌዝ ኦጋይር ኡንታን ምንዛ። ኡትራኔ ጋይሮ አሺ፥ የሱስ ክርስቶሳ አሽከትር ኡንቲ ኩሞድ ጋርክ ሚን ኡንታን አካክስዛ። የሱስ ክርስቶሳር ዎላ ደንጌዝ ደአይ ጾስ ኣ ኬሃትፕ ፑልቴዛኔ አማኖር ኡንቲ ኤኬዛይፕ አትን አይሁድታይ ወጋ ፖሎር በንተካዛና ኡንታን አካክስዛ። የሱስ ክርስቶሳር ዎላ የዝ ኡባይስ ጾሳይ እንግዛ ሳሮኔ ኡፋይስ ኡንትስ ጻፍዛ።

Ꮊ ኪታይ ኤርንትዛይ ኡፋይስ፥ አማንንቶ፥ ፐትፐትኔ አማኖር ሚንጊ የዞድ የስ ቆንጭሲ ቤዝዛ። የይል አፋ ጉጂ፥ ጳዉሎሳ ፍልጲሶሳ ዎሳ ኬይስ ቃዛ ግታ ቃ ቤዝዛ።

ፍልጲሶሳ ኪታይ አይኬዝ ቆፍታ

ገሎ

ጳዉሎሳ የዜዝ የሳ

ክርስታነ የሳይ ኣዝሶ

ጽማቶሳስኔ ኤጳፍራድቱሳስ የዝ ቆፋ

ሞርክታይፐኔ ኢትታይፕ ናግንቶ

ጳዉሎሳኔ ፍልጲሶሳ አማንዛ አሳይስ ሺሼዝ ጋላታኔ ዞረ

ሳሮኔ አንጆ