ጋላትያ

ጳዉሎሳ ጋላትያ አሳይስ ጻፌዝ ኪታ

ገሎ

የሱሳ አሽዛያ ማቄዛና ኦድዛ ዎንግለ ቃላይ ዱማ ዱማ አቆ ሳባክንትን፥ አይሁደ ባ አስታይ አማንታር አማንታር Ꮊማዳር «ክርስታነ ማቆዳይስ ሙሰ ህገ ፖሎዳይስ ኮሽነኔ ኮሾሳ?» ዬጊ ዎል ኦይጬዛ። የ ዎደ ጳዉሎሳ፥ «ክርስታኔ ማቆዳይስ ሙሰ ህገ ፖሎዳይስ ኮሾያ፤ የሱሳር ኦሮ ደኦ ደንጎዳይስ ኮሽዛይ የሱሳ አማኖ። አሳይ ጾስ ቲና ጽሎዳይስ ዳንዳእዛይ አማኖ ኣዳራ» ዬጊ ታማርሴዛ። ዝን ጽቃ ኢስያ ጋንጨ፥ ጋላትያ አዉራጃ የዝ ዎሳ ኬ የዝ አሳይ ጋንጨ፥ «አሲ ጾስ ቲና ጽሎዳይስ የሱሳና አማኖ ኣዳ ባዝን ሙሰ ህጋካ ፖሎዳይስ ኮሽዛ» ዬጊ ጳዉሎሳ ትምርታና እጽዛ አስታይ የዛ።

ጳዉሎሳ ጋላትያ ማጻፈ ጻፌዛይ፥ የ ቡታ ትምርታይር ባልንቴዝ አሳ ቱማ አማናይኮኔ አማኖር የስኮ ማሆዳይሲ። ጳዉሎሳ የሱሳ ሀዋረ ማቅዛና ትልሲ ኦዶ አይኬዛ። ኤዛ ሀዋረ ኡዲ ጼጌዛይ አስ ባዝን ጾስ ማቄዛናኔ ኤ ኪትንቴዛይ አይሁደ ባ አሳይስ ማቄዛና ፓዲ ኦዴዛ። የይር አይስ አሳይ ጾስ ቲና ጽሎዳይስ ዳንዳእዛይ አማኖር ኣዳ ማቄዛና ኦድዛ። ዉርስ ሸምፕታይ አማኖር የሳይ የሱሳ አማኖር በንትዝ ሲቆፕ ከዝዛ ማቅዛና ኦድዛ።

ጋላትያ ኪታይ አይኬዝ ቆፍታ

ገሎ

ጳዉሎሳ ሀዋረት ማዉተ

ጾስ ኣ ኬሄት ዎንግለ

ዋሎትኔ አማኖር የስ

ኩስተ ቆፋ