1ዋንሳ

ዋንሳ ጻፌዝ ቲና ኪታ

ገሎ

ሀዋረ ዋንሳ ጻፌዝ ቲና ኪታይ፥ ናምኢ ኣፈ ቆፍታ አይኬዛ። የይካ ናባብዝታይ ጾሳራኔ ኤ ናአ የሱስ ክርስቶሳር ፐትፐተ የዞዳይ ጋርክ ምንዳይስኔ የ ፐትፐተ ብስዛ ዎርዶ ትምርታይፕ ሃኮዳይ ጋርክ ኡንታን ቆፕሶዳይሲ። የ ዎደ ደንዴዝ ዎርዶ ትምርታይ፥ «ጾስ በንቶዋ አያና አላመ መዛ። Ꮊ በንትዝ አላማኔ ኑ አሰት ጾስ መካ ግሾስ ኢታ። ማ Ꮊ በንትዝ አላማኔ ኑ አሰትይ ኑ አያና ቆሆዳይስኔ ቱንሶዳይስ ዳንዳኦያ» ዬጊ ታማርስዛ። የያ ጉሳይ፥ ቲና፥ የሱሳ አስ ማቂ የኤካያ። ናምአንይ፥ ፐቲ አስ ፋ አያና ቱንሰካ የዛር ፋ አሾር ናጋራ ኦዳይስ ዳንዳእዛ ዬግዛ።

የይ ግሾስ፥ ዋንሳ ፋ ኪታይድ፥ የሱሳ አስ ማቅዛ ካድዛ ኦንካ ጾስ ናአ ባያ (4:2-3)። ማ ጾሳፕ የልንቴዝ ኦንካ ኡባ ዎደ ናጋራራ የዞያ (3:6) ዬጊ ጻፌዛ።

የ ዎርዶ አስታማርታይ፥ «አቶት ጉሳይ፥ Ꮊ ሳአ የስስ ኡንእንቶፕ ከዚ ዋሎ ከስ ጉስ» ዬግዛ። የይል አፋ ጉጂ፥ «ኢታኔ ሎኦ ሻኪ አይክ ማቅን፥ ማ ሀራ አስ ሲቆ ማቅን አቶትር አብካ ሄልዛ ባዝ ባያ» ዬግዛ።

ጻፋይ Ꮊ ትምርታ እጺ፥ «የሱስ ክርስቶሳ ፎሎ አስ፤ የሱሳ አማንዝታይኔ ጾስ ሲቅዝታይ ኡባይ ፋ ጋንጨ ፐታይ ፐታይር ሲቅንቶዳይስ ቤዝዛ» ዬጊ ኦዴዛ።

1 ዋንሳ ኪታይ አይኬዝ ቆፍታ

ገሎ

ፖኦኔ ማ

ጾስ ናእታኔ ዳቡሎሳ ናእታ

ቱማኔ ዎርዶ

ሲቆ ኦሶ

ጋምዝ አማኖ