Luke

LUKE-NA

I-ba Aphaba Pao

Wahoudok

Pakhonchatpa Paulgi mateng pangkhiba amasung Pakhonchatpasinggi Thabakki lairiksu ikhiba Dr. Luke-na lairik asi chaorakna Christtagi chahi 59-63 gi manungda Rome-dagi ikhiba oiramba yai haina thajanei. Aphaba Paogi lairik asida Ibungo Jisubu Mapu Ibungona wasakpiramba Israel-gi Kanbiba Mapu amadi mipum khudingmakki Kanbiba Mapu oina utli. Lairik asida Jisubu chap chaba mioi amagi matou adusu utli.

Mapu Ibungona mipum khudingmakpu nungsi amasung Ibungo Jisuna mangkhrabasing adubu thinaba amadi kanbinaba lakle haiba asisu lairik asigi maru oiba wa amani (19:10). Hairiba wapham asimak eikhoina: Aphaba Samaria-gi migi pandam wari (10:25-37), Mangkhraba yaogi wari (15:1-7), Mangkhraba lupagi sel mayekki wari (15:8-10) amasung mangkhraba oktaba machanupagi pandam warida (15:11-32) uba phang-i. Amaromda swargadutsinggi esei, yaosenbasingna Jisu poklaba matungda thijaba, angang oiringeida Jisuna Mapugi Sanglenda leirambagi wari, Jihudisingna tukkachanaraba kanggat khombagi yumda leiba, sigadouraba huranba amada swargada leiminnagani haina Ibungona washakpibagi wari, hairiba pumnamaksing asi atei Aphaba Paogi lairikta yaodaba lairik asigi top-toppa masak amani. Aduga lairik asina haijabagi maramda, Thawai Asengbagi maramda, Jisuna Mapu Ibungo thougal toubagi maramda nupisinggi thoudang amasung Mapu Ibungona ayol-aran kokpibagi maramda akanba ithil pi.

Yaopham Takpa

1. Wahoudok

2. Baptize toubiba John amadi Jisu pokpa amasung makhoina angang oiringeigi matam

3. Baptize toubiba John-na Mapugi thougal touba

4. Jisuna baptize louba amasung Satan-na Ibungobu themdoknaba hotnaba

5. Galilee-da Jisuna miyamda Mapugi thougal touba

6. Galilee-dagi Jerusalem-da chattuna Mapugi thougal touba

7. Jisu-na thawai thadringei, aroiba chayolda Jerusalem amadi manak nakpa maphamsingda thokkhibasing

8. Jisu-na sibadagi hinggatpa, miyamda uhanbiba amasung Ibungobu swargada loukhatkhiba