Jacob

JACOB-NA

I-ba Chithi

Wahoudok

Jacob hairiba lairik asi Jacob kouba mioi amana ibani. Anganba matamgi singlupki luchingba ama oiba amasung Jerusalem-gi ahanlupki maraktasu yaoba (Pakhonchatpa 15:13) Jisugi manaonupa Jacob haiba mahak asi oiramba yai. Mahakpu Galatia singlupki yumbini haina Pakhonchatpa Paul-nasu hairammi. (Galatians 2:9). Akhang-aheisinggi matung inna Jacob hairiba lairik asi chourakna Christta poklaba matung chahi 50 mukki matungda iramgani haina thajanei. Jacob asi Jerusalem-gi ahal amagi pham paiba maramna lairik asi Jerusalem-da leiringeida iramba yai.

Lairik asi “Phurup kayagi marakta chaikhaiduna leiba Jihudigi salai taretta”” i-ba lairikni (Jacob 1:1). Masida yaoriba parasing asi Christian pumnamakna sijinnaba yaba ngaktani adubu mapham asida “salai taret”” haiba wahei asi yaoba maramna Jihudi Christian-singda i-ba oigani haiba adu utli. Masida hiram kaya yaoba maramna, lairik asi mioi kangbu kayada younaba ibani haiba khang-i. Thajaba amadi thabak ani asigi marakta leinaba marida Jacob-na pukning chingsilli. Achumba thajaba adudi thabakna utkani (2:17). Inak-khunba misingda michang-mikhai naiba sajat chattanaba mahakna cheksin wa hairi (2:1-4) amasung eikhoina ngangba wasu cheksinnaba eikhoida haibiri (3:1-12).

Yaopham Takpa

1. Jacob-na lairik asibu paribasingda khurumjaba

2. Christian-singna awabada taba matamda khaangheinaba mahakna pukning thougatpa

3. Thajababu thabakna utpa haibasi kayada mathou tabano haibadu mahakna haiba

4. Madugi matungda wahei haibasi kayada panggal leibano haibadu mahakna haiba

5. Tengban Mapugi oiba lousing aduga taibangpanbagi oiba lousing adugagi khennaba adu Jacob-na sandokna takpa

6. Mathangda napal toubagi maiyokta Jacob-na cheksin wa haiba

7. Mayamgi oiba paotak khara piraga Jacob-na lairik asi loisilli