Titusi

Lihamba lya Paulo kwa

Titusi

Ulongulelu

Lihamba hai kwa Titusi ni imonga gha lihamba njechi kuhuma kwa Paulo amyandikilili mundu badili gha lipinga lya wandu wamkwinila Kilisito. lihamba ghangi itatu ni lihamba lya mtumbulo kwa Timoseo na lihamba lya ivili kwa Timoseo na Filemoni. Paulo amyandikilili Titusi, ila ayandikili hilahila handa lihamba isomilwi paluagha kwa lilowi. Tungumanya havi kwaikiva Paulo angulongela vila kapalwa kuwela mndumindumi. Kindu kivile Titusi akimanyili kala. Paulo inguwesekana ayandikili lihamba hai machuva gha 63 - 65 badili gha kuwelekwa Kilisito.

Paulo ayandikili lihamba hai kumlaghila Titusi kulongosa lipinga lya wandu wamkwinila Kilisito livile kukighunguli kya Kilete. Paulo ayandikili lihamba hai kumlongela Titusi ili kuhaghula na kuvula vilongosi wa lipinga lya wandu wamkwinila Kilisito. Paulo ampeghili malaghilo yalayala handa lihamba amyandikilili Timoseo. lihamba ghaki inguvula vila vilongosi wa lipinga lya wandu wamkwinila Kilisito wangupalwa kutundamilwa nesu. Malipinga gha wandu wamkwinila Kilisito na vilongosi wa lipinga lya wandu wamkwinila Kilisito wa lipindi lya hinaa wangupalwa kuloleswa kwa upabehi nesu kulihengu lya kulongosa.

Gha mghati:

Paulo angumlongela Titusi kuhaghula vilongosi wala wangumtundamila Sapanga hai inguhuma ku Sula gha 1:1-16.

Paulo angumlongela Titusi kuvula wandu ili kulama handa Sapanga angupala hai inguhuma ku Sula gha 2:1-3:11.

Mwihu, Paulo anguyomola kwa kulongelela amonga gha mighalu ghaki na kuyegha lijambuso lyaki hai inguhuma ku Sula gha 3:12-15.