Waloma

Lihamba lya Paulo kwa

Waloma

Ulongulelu

Kukihitabu kya Waloma inguwesekana kiyandikwa na mndumindumi Paulo lipindi lya paghati gha machuva 54 na 58 badili gha kuwelekwa Kilisito. Paulo awelili kambila kuyenda ku Loma kwa nagha akatumila lihamba hali kuwapegha malaghilo wakilisito vila wangupalwa kulama wakilisito wa Loma, Wayahudi na wala wawela ng'ogha Wayahudi weni kulikala kumlima wa Loma. Ayandikili lihamba hali kuhuma mmbwani wa Kolintu kula awelili kalikala lipindi lila. Paulo ayayandikilili hagha milima hyogha wapati kumkwinila na kumtundamila Yesu Kilisito 16:26

Kihitabu kya Waloma ni kihitabu maha kwa wakilisito kila mahala na kila lipindi kwaikiva Paulo kayandika kwa njila gha lipala kunani gha ulokola tunguwesa kupokela kwa njila gha Yesu Kilisito. Paulo hilahila angukonganisa Habali Maha gha Yesu na lilaghanu lya dahile. Wasoma watangala wangujumila yiwa musitali 1:16 yiwa ni mghomba kukihitabu hula weni kulonga, “Mweni kujumilwa na Sapanga atelikala kwa ukwinila: Mtumbulo kwa Wayahudi na kangi kwa wandu wa milima hyogha.” Mahala kwa mtumbulo kukihitabu kya Waloma sula gha 1-12 ingulongelela kwa utali umanyi wa Sapanga na mbandi gha ipili sula gha 13-15 ingulongelela malaghilo yatangala vila wakilisito wangupalwa walami.

Gha mghati:

Paulo atumbulili lihamba lyaki kwa kujimanyisa mweni na kulonga ni ghani angumyandikila sula 1:1-15

Hinu Paulo angulonga ulungwana na uwesekano wa kulokoka kupitila Yesu Kilisito sula 1:16-11:36

Kangi Paulo anguwapegha wakilisito malaghilo gha vitendu kungalilu gha kikilisito sula 12:1-15:13

Paulo anguyomola kihitabu kya Waloma kwa kuwajambusa lipinga lya wandu wamkwinila Kilisito lya haku Loma sula 16.