Skip to content
BibleKenya

Wafilipi

Philippians

Introduction from this edition

Lihamba lya Paulo kwa

Wafilipi

Ulongolelu

Paulo ayandikili lihamba kwa wakwinila wa Filipi kumachuwa gha isitini na monga badili gha kuweka kwa Kilisito, ayandikili lipindi awelili mukihungo kusula gha 1:13, na inguwesekani lipindi anguyandika lihamba hali awelili ku Loma. Lihamba liyandikilwi kulipinga lya wandu wamkwinila Kilisito wa haku mbwani wa Filipi. Tungujivula mayaghani kwa habali gha mbwani wa Filipi kuhuma kukihitabu kya matendu gha wandumindumi. Filipi uwelili mmbwani mkulu wa mlima wa Makidonia. mbwani hau uwelili na lipinga lya wamdu wamkwinila Kilisito lya mtumbulo ku haku Makidonia. Paulo na Sila watumbulili kwa pamonga lipinga lya wandu wamkwinila Kilisito na lipindi wawelili haku uhiku wakavikwa mukihungo kihitabu kya Matendu sula gha 16

Paulo awelili na lukani wekaweka lipindi awelili anguyandika lihamba hali. Akatumila fwasi hai kushukwile lipinga lya wandu wamkwinila Kilisito kwa hupo wampeghili badili gha kuhyoghanila yiwa kawela mukihungo kusula gha 4:10-19. Akaghola maheli lipindi awelili mukihungo na akawalongela Timoseo na Epafulodito wayendi kulipinga lya wandu wamkwinila Kilisito kusula gha 2:19-30, kwa nagha wangupalwa wawapokeli na kuwatundamila wawamanyi handa vilongosi waweni.

Gha Mghati

Paulo angutumbula lihamba kwa kujambusa lipinga lya wandu wakwinila Kilisito lya haku Filipi kusula gha 1:1-2

Hinu anguwalongela habali zyaki apatili lipindi hali na mayaghani awelili nazu kusula gha 1:3-2:30

Kangi akayegha yala matendu wakilisito wangupalwa kughola kusula gha 3:1-4:30

Mwihu Paulo anguyomola kwa kuwajambusa na kuwashukwile lipinga lya wandu wamkwinila Kilisito lya haku Filipi kwa hupo kusula gha 4:10-23

Mbunga New Testament. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.