Filimoni
Philemon
Introduction from this edition
Lihamba lya Paulo kwa
Filimoni
Ulongulelu
Lihamba hai hupi kwa Filimoni iyandikilwi na Mndumindumi Paulo 1:1. Paulo awelili muuwopwa paayandika lihamba hai, inguwesekana lipindi anguyandika awelili mmbwani mkulunga wa Loma. Ikiva Paulo awelili Loma lipindi akiyandika lihamba hai hinu inguwesekana iwelili handa machuva gha 61 badili gha kuwelekwa Kilisito, lipindi lilalila ndiwa kiyandikwa kihitabu kya Wakolosai.
Amyandikilili lihamba hai mundu akemilwi Filimoni. Filimoni awelili mmonga wa wandu wa lipinga lya wamkwinila Kilisito na hilahila awelili na wahusutu. Paulo amyandikilili kumluwa akotoho kumnyokola mhusutu ghaki Onesimo, avile katyelembuka kuhuma kwa Filimoni. Kwa laghililo lya Loma limuwesesili Filimoni kumkoma Onesimo. Paulo amluwili nesu Filimoni kwa kumtaya moyu ampokeli Onesimo handa mkilisito myaki na hilahila Paulo kamluwa Filimoni amlekeseli Onesimo tugholi lihengu pamonga na mweni. 1:13-14.
Gha mghati
Paulo angumjambusa Filimoni 1:1-3
Paulo angutumila fwasi ghaki kumluwa Filimoni ampokeli Onesimo handa mkilisito myaki 1:4-21
Paulo anguyomola kwa kulongelela lukani lwa kumtyangila Filimoni na kuyegha lijambuso. 1:22-25.
Mbunga New Testament. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.