Yudasi

Lihamba lya Paulo kwa

Yudasi

Ulongulelo

Lihamba hali lingukemwa Yudasi likipapa lihina lya mweni kuyandika. Yudasi angutambulisa yiwa mweni ni mlongo wa Yakobu avile mlongo wa Yesu. Hinu hilahila angukwinilwa yiwa Yudasi ni paghati walongo ghaki Yesu kusula gha Yudasi 1. Tungumanya ng'ogha yiwa lihamba hali liyandikilwi kwa lipinga lya wandu weni kumkwinila Kilisito liki na hai ni kwaikiva ngumbungumbu zyaki zinguhuma kulilaghano lya dahile, wasoma wa mtumbula wa kihitabu kya Yudasi ni wawelili Wayahudi. Pamonga na yiwa, awayandikili lihamba hali “Wogha weni kukemwa, wala weni kupalwa na Sapanga Tati na kugholokelwa na Bambu Yesu Kilisito” (Yudasi 1). Lihamba hali ingukwinilwa liyandikilwi machuva gha isitini badili gha kuhova Yesu Kilisito.

Lukasini lwa kuyandika lihamba hali ni kuwayandikila wandu weni kumkwinila Kilisito wogha ili kuwakanisa wakotoho kubyodoswa kwa mavulo gha uhwangi Yudasi 4. Angutumila yala yagholilwi kuhuma lilaghano lya dahile na anguwachila ili kuyapegha utopa hagha anguyalongela. Lihamba hali liwela na mawachilo matangala kuhuma lihamba lya ivili lya Petelo pamonga na makaniso kunani gha habali gha wavula gha uhwangi Judi 4, Lihamba lya ivili gha Petelo 2:1 hilahila na yeni kuhumila kummbwani wa Sodoma na Gomola

Gha Mghati

Yudasi angutumbula kwa kuwatambulisa wasoma ghaki 1-2

Kangi angulongela kwa kyani ayandikili lihamba hali na yeni ni kuwakanisa wandu weni kumkwinila Kilisito walikali kutali na wavula wa uhwangi ku Yudasi 3-4

Kangi anguwapegha milandano kuhuma kwa wandu wa dahile na matendu yawonikanili kulilaghanu lya dahile 2-16

Hilahila akawalongela kila wangupalwa kughola 17-23

Mwihu anguyomola lihamba lyaki kwa kumsifila Sapanga 24-25