Skip to content
BibleKenya

Wahebulania

Hebrews

Introduction from this edition

Kihitabu kya

Wahebulania

Ulongulelu

Wahebulania ni kihitabu kya kutaya moyu kulangiha vila Yesu katimilisa amonga gha ulota wa Lilaghano lya dahile, na hali liyandikwa handa hotuba. Kukihitabu haki kuvili na mighalu ipiti isitini ku Lilaghano yeni kulangiha lipala lipala vila Yesu katimilisa ulota na mahengu gha mtambika Mkulu wa Kiyahudi. Kukovekelana na hali kihitabu kila kimaanisa kuwataya moyu wakwinila wa Kiyahudi. Kihitabu kya Wahebulania kingulangiha vila Yesu katimilisa selia ili watambika wakotoho kuyendelela kuhumisa litambiku lya kulungusa kangi. Yesu awelili litambiku lya sambi syogha, ikagholeka lihanja limonga kwaikiva gha machuwa hyogha. Wandu weni kumkwinila Kilisito wenikulikala machuwa hagha na weni wanguwesa kutaywa moyu kupitila ili wayendeleli kumkovekela Yesu Kilisito mweni angutuwesesa tuyendeleli kumkwinila Sapanga na hilahila tuyendeleli kumkwinila mweni 12:2.

Kwahela mweni kumanya yiwa ghani kayandika kihitabu kya Wahebulania, ila wasoma wangulonga yiwa anguwesa kuwela Mndumindumi Paulo au Lukasi au Balinaba ndiwa mweni kuyandika kihitabu haki. Talehi gha kuyandika hilahila ingumanyika ng'ogha ila wandu watangala wangukwinila yiwa kiyandikilwi pambila gha machuva gha 70 badili gha kuwelekwa Kilisito. Mlima wa Yelusalemu uyalamisilwi machuva gha 70 badili gha kuwelekwa Kilisito, ila myandika wa lihamba hali anguhimulila handa yiwa mlima wa Yelusalemu uwelile wambila kuyalamiswa. Kihitabu kya Wahebulania kiyandikilwi kumlima wa Loma kusula gha 13:24 na inguwachilwa kilandalile kuamonga gha mapinga matangala gha wamkwinila Kilisito.

Gha mghati:

Myandika angulangiha yiwa Yesu ni mkulu kupiti walota wa Sapanga na watumikila wa kundumba wa Sapanga. Sula 1:1-4:13

Hinu akayendelela kulangiha yiwa Yesu ni mkulu kupiti watambika wenikutumikila kulighuta lya Sapanga Yeslusalemu. Sula gha 4:14-7:28

Hilahila utumikila wa Yesu ni mkulu kupiti lilaghanu lya dahile livile Sapanga kaghola na wandu ghaki kupitila selia ivile ampeghili Musa, sula gha 8:1-10:30

Kangi badili gha kuyandika yiwa Yesu ni mkulu nesu kwa kila kindu myandika angupegha amonga gha milando gha matendu, sula 10:32-13:17

Kumwihu myandika anguyomola lihamba hali kwa milando gha kutaya moyu na jambuso, sula 13:18-25

Mbunga New Testament. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.