Wakolosai

Lihamba lya Paulo kwa

Wakolosai

Ulongulelo wa Wakolosai

Lihamba lya wakolosai liyandikilwi na Mndumindumi Paulo kusula gha 1:1. Ayandikili lihamba hali lipindi awelili mukihungo, inguwesekana iwelili haku kumlima Loma, kumachuva gha isitini badili gha kuweleka kwa Kilisito. Lihamba ghali kwa Wakolosai pamonga na kwa Waefesu na kwa Filimoni zingukemwa lihamba lya mgelesa kwaikiva lipindi Paulo anguyandika awelili mukihungo. Ayandikili lihamba hali kwa lipinga lya wandu wamkwinila kilisito lya haku kumlima wa Kolosai, Paulo atumbulili ng'ogha lipinga lya wamkwinila Kilisito haku Kolosai, handa ailongelili kusula gha 2:1, ila ajilolile yiwa angupalwa kulivula hali lipinga. Inguwesekana yiwa Epafula ndiwa mweni kutumbulisa lipinga lya wamkwinila Kilisito lipindi awelili akihuma haku Kolosai.

Paulo alikangasili na mavulo gha uhwangi kulipinga lya wakwinila Kilisito haku Kolosai. Na kayandika kwa utali kunani gha mavulo hagha. Haku kuwelile na lipinga lya Wayahudi weni kumkwinila Kilisito weni wawelile wakiwalasimisa wakilisito waghangi weni kumkwinila Kilisito wakovekeli malaghilo gha Wayahudi kuhuma lilaghano lya dahile, nesunesu kuyingisa jandu. Paulo ayandikile yiwa mundu yeyosi mweni kumkwinila Kilisito kangupala ng'ogha kindu chochosi ila angumpala Yesu ili ajumilwi kuulongolo gha Sapanga kusula gha 1:15-20 na yala mavulo yeni kuhuma kumawachilo gha kimundu yangutanga ng'ogha chochosi kusula gha 2:28.

Gha Mghati

Paulo angutumbula lihamba kwa kujambusa Lipinga lya wandu weni kumkwinila Kilisito haku Kolosai kusula gha 1:1-2

Kangi anguyandika kwa ukulu wa Kilisito nesunesu vila ndambu gha kuyanga mavulo gha uhwangi haku kusula gha 1:3-3:4

Handa iwela kulihamba wekaweka Paulo anguyandika nusu gha milando kulongelela ndambu wangupalwa kulama wandu weni kumkwinila Kilisito kusula gha 3:5-4:6

Paulo anguhyomola kwa jambuso, na angulaghila lihamba hali lisomwi kwa lilowi kumapinga maghangi gha wandu wamkwinila Kilisito kusula gha 4:7-18