Skip to content
BibleKenya

3Yohana

3 John

Introduction from this edition

Lihamba lya itatu lya

Yohana

Ulongulelo wa Yohana

Lihamba lya itatu lya Yohana liyandikilwi na Mndumindumi Yohana kweni lichuva lya itisini badili gha kuweleka kwa Kilisito. Yohana kangulangiha ng'ogha yiwa mweni ndiwa myandika wa lihamba hali, badili ghaki anguikema mweni ni kilongosi mgogolo kusula gha Yohana 1:1. angughola nagha Handa aigholile kulihamba lya ivili gha Yohana kusula gha 1:1. Ingukwinilwa yiwa Yohana ndiwa mweni kuyandika Habali Maha gha Yohana na lihamba lya mtumbulo mbaka lya itatu Lihamba lya mtumbulo gha Yohana na Lihamba lya ivili gha Yohana na Lihamba lya itatu gha Yohana lipindi awelili haku Efesu.

Yohana amyandikili lihamba hali Gayo mundu mwenikuwela angumkwinila Kilisito. Kamlonelela Gayo handa ghanja ghaki na kumlaghila awapokeli maha walongo weni kumkwinila Kilisito wenikuwela na mwanja kummbwani ghao.

Gha Mghati

Yohana angutambulisa lihamba lyaki lya itatu lya Yohana kusula gha 1:1

Hinu angumtaya moyu Gayo na kumlaghila awapokeli maha walongo weni kumkwinila Kilisito kusula gha Yohana 1: 2-8

Kangi angulongelela kunani gha wandu waivili Deotulefe na Demeteleo kusula gha 1:9-12

Mwihu anguhyomolela lihamba lyaki kusula gha 1:13-14

Mbunga New Testament. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.