2Timoseo

Lihamba lya ivili lya Paulo kwa

Timoseo

Ulongulelu

Lihamba hai lya Timoseo lya ivili ni lihamba gha ivili kuhuma kwa mndumindumi Paulo akimyandikila Timoseo mvulwa ghaki. Timoseo wa ivili kiyandikilwi lipindi lya pabehi na mwihu wa ukomu wa kulama Mndumindumi Paulo. Lipindi hali awelili kawopwa kulighuta lya wawopwa haku mmbwani mkulunga wa Loma. Hai inguhuma ku 2Tim 1:16. Paulo awelili na ughanja handa mlongo na Timoseo na miyanja itangala amkemili handa mwana ghaki hai inguhuma ku Filipu 2:22, 1Tim 1:2, 1Tim 1:18.

Hai ni imonga gha lihamba njechi kuhuma kwa Paulo zila kamuyandikila mundu badili gha lipinga lya wandu wamkwinila Kilisito. lihamba ghangi itatu ni 1Tim na Titusi na Filemoni. Paayandika Timoseo wa ivili, wakilisito kuunkosi wa Loma wawelili wanguhakilwa kwaikiva gha ukwinila ghao. Hai ndiwa inguwesa kuwela njila gha Paulo kuwela muuwopwa na kumlaghila Timoseo afumilili mahakilo. Kulimba lya mtumbulo kwa Timoseo, Paulo ampeghili Timoseo makaniso yatangala kwa wavula wavulili uhwangi. 1Tim 1:16-18. Hilahila amlongelili Timoseo kutevile na lipindi lya mahakilo kuulongolo 3:1

Gha mghati

Paulo angutumbula kwa kumjambusa Timoseo 1:1-2 na angumtaya moyu 1:3-18

Paulo angumlongela Timoseo afumilili mahakilo 2:1-13

Paulo angumpegha Timoseo malaghililo hyogha kwa pamonga 2:14-26.

Paulo angumkanisa kwa ghala yatehumila kuulongolo na ghala angupalwa kughola payahumila. 3:1-4:8

Paulo anguyomola kwa kumlaghila malaghilo ghaki mweni Timoseo 4:9-24