2Petelo

Lihamba lya ivili lya

Petelo

Ulongulelu

Lihamba lya ivili lya Petelo iyandikwa na Mndumindumi Petelo ila wasomi watangala wa hinaa wakwinila ng'ogha yiwa ni Petelo kayandika inguwesekana yiwa kuvile na mundu ayandikili badili gha Petelo. Yula ayandika angulonga yiwa ailolile kwa mihu ngalilu gha Yesu nesu nesu pala Yesu paahyukili wuso ghaki hai inguwoneka ku Sula gha 1:17-18 ikiva Petelo ndiwa yula kayandika lihamba hai inguwesekana ayandikili akiva ku Loma kumwihu gha machuva gha 60 badili gha kuwelekwa Kilisito na pambila gha kuhova kwa mweni Petelo. Hilahila anguikema lihamba hai handa lihamba ghaki gha ivili hai inguwoneka ku Sula gha 3:1 paayandikili badili gha lihamba gha mtumbulo. Ayandikili lihamba hai kwa wakilisito wogha.

Petelo ayandikili lihamba hai ili kuwapegha moyu wakwinila kulama maheli na kuwakanisa wakotoho kuwakovekela wavula gha uhwangi hai inguwoneka ku Sula gha 2. Akiwapegha moyu kupughanya wandu wailongile yiwa Yesu kangukawila kuhuya. Badili ghaki angulonga yiwa Sapanga kakawila ng'ogha ila angupala kila mundu alokoki hai inguwoneka ku Sula gha 3:8-9. Hali ndiwa lukani lya kulama ngalilu maha hai inguwoneka ku Sula 3:14.

Gha mghati

Petelo angujimanyisa mweni na kuwamanyisa wala anguwayandikila hai inguwoneka ku Sula gha 1:1-2.

Anguwakumbusa wandu watami ngalilu gha maha kwaikiva Sapanga angutuwesesa kulama nagha hai inguwoneka ku Sula gha 1:3-21.

Petelo anguwakanisa kulongela wavula wa uhwangi na kulonga yala yatewakola lipindi lya kumwihu hai inguwoneka ku Sula gha 2:1-22.

Badili gha hagha Petelo anguyomola kwa kuwataya moyu wakwinila kulama ngalilu maha wakijiyandala kwa kuhika Kilisito lihanja lya ivili hai inguwoneka ku Sula gha 3:1-17.