2Yohana

Lihamba lya ivili lya

Yohana

Ulongulelo wa Yohana

Lihamba lya ivili lya mndumindiumi Yohana liyandikilwi paghati gha machuva gha itisini badili gha kuhova kwa Kilisito. Yohana akotoho kujihighilisa mweni yiwa ni myandika wa lihamba hai, badili ghaki anguikema mweni ni mgogolo kilongosi. Mavulo yala yayandikiliwi kulihamba hali yangulandana nesu na yala gha Habali Maha gha Yohana. Hai inguvikwa lipala na vila kuvika mkasu wa amuli zya Yesu kupalana na angulandanisa kumpala Yesu kwa kukovekela amuli ghaki kusula gha Yohana 1:5-6, na Habali Maha gha Yohana 15:9-10. Ingukwinilwa yiwa Yohana ndiwa ayandikili Habali Maha gha Yohana, pamonga na mahamba itatu zya Lihamba lya mtumbulo gha Yohana na Lihamba lya ivili gha Yohana na Lihamba lya itatu gha Yohana lipindi awelili haku Efesu.

Yohana awayandikili lihamba hali kwa mhaghulwa mdala, pamonga na wana ghaki wavile ni lipinga lya weni kumkwinila Kilisito. Angulandanisa hali na lipinga lya wandu weni kumkwinila Kilisito yiwa ni mdala angumkwinila Kilisito. Hinu angulongela hali kwa wakwinila wogha. Lukasini lwa Yohana kuyandika lihamba hai angupala kuwagangamalisa lipinga lya wandu wamkwinila Kilisito na kuwakalipila kwa wavula wa uhwangi.

Gha Mghati

Yohana angutumbula lihamba lyaki anguwayandikila wandu ghani na kuwajambusa wapokela kusula gha Yohana 1:1-3

Kangi angulitila moyu wandu wangumkwinila Kilisito wakoli amuli ngulu kusula gha Yohana 1:4-6

Hinu anguwakalipila wakali kutali na wavulwa wa uhwangi kusula gha Yohana 1:7-11

Mwihu Yonana anguyomola lihamba lyaki kwa kuwataula wala wapokela lihamba lyaki.