2Wakolintu

Lihamba lya ivili kwa

Wakolintu

Ulongulelu

Kihitabu kya Wakolintu wa ivili kiyandikilwi na mndumindumi Paulo paghati gha lichuva lya 55 na 56. Badili gha kuwelekwa Kilisito sula gha 1:1. Hali ni lihamba lya ivili paghati gha ivili tuwela nazu. Paulo awayandikilili lipinga lya wandu wamkwinila Kilisito lya haku Kolintu. Wasomi wangukwinila yiwa Paulo ayandikili milando mikalipa kulihamba lighangi pambila gha hali kwa wandu wa Kolintu. Haku kuhyetu tuwelili ng'ogha na mahamba hagha Paulo anguyalongelela ku Wakolintu sula gha 2:3-4. Lihamba hali lya ivili ayandikili lipindi akiwela ku Makidonia. Wakolintu sula gha 2:13.

Wakolintu wa ivili ni lihamba awelili kayandika kwa hisia na liwelili na ujumbi weni kulola ngalilu gha lipinga lya wandu wenikumkwinila Kilisito haku Kolintu. Paulo angulongelela luheku ghaki kwa milando maheli apokelili kuhuma kwa Titusi. Kulihamba hali tungulivula kwa utali mavulo gha kupegha handa iyandikilwi kulilaghano lihyonu. Paulo angupegha malaghilo gha kukungula mapesa ili kuwatanga watumikila wa haku Yelusalemu Sula gha 8-9. Inguwoneka yiwa amonga gha wandumindumi weni kuvula uhwangi waghangi kuhuma panji gha mapinga gha wandu wamkwinila Kilisito watumili wandu mghati gha lipinga lya wandu wamkwila kilisito wala wenikuwela wahakata wa Paulo ili kuwayinula weni. Wawelili wangulongela yiwa wangukwinila ng'ogha ulongosi wa Paulo, hali ndiwa lukani limgholile ahighilisi kwa makakala ulongosi ghaki handa mndumindumi wa Kilisito, hagha yanguwoneka kumwihu wa kihitabu kya Wakolintu wa ivili.

Gha Mghati:

Paulo angutumbula lihamba ghaki kwa kuwajambusa lipinga lya wandu wamkwinila Kilisito wa haku Kolintu Sula gha 1:1-7

Mghalu mghangi Paulo angulongela kunani gha kughalambuka kwa mwanja ghaki na hilahila ujumbi aupokelili kuhuma kwa lipinga lya wenikumkwinila Kilisito haku Kolintu na vila wayanga lila lihamba lyaki lya mtumbulo Sula gha 1:8-7:16

Kangi Paulo angupegha malaghilo kunani gha kukungula mapesa kwaikiva gha kuwatanga wakwinila wa Kilisito haku Yelusalemu sula gha 8:1-9:15

Kumwihu, Paulo angutetela undumindumi ghaki na angupegha malaghilo kunani gha kuhuya kangi Kolintu sula gha 10:1-13:10